OS NOSOS CHAVEIROS DA IMPRESORA 3D

   Aquí está o producto final, despois de deseñar en papel e na pantalla dixital imprimimos os nosos chaveiros na impresora 3D.

 

 

APRENDEMOS COA IMPRESORA 3D

A profe Victoria converteu os nosos cans deseñados na pantalla dixital en deseños para a impresora 3D

unha vez preparados puxémos a impresora 3D a funcionar . 

 

DESEÑAMOS CANCIÑOS PARA A IMPRESORA 3D

 Despois de debuxar diferentes cans no papel, votamos para decidir se deseñamos un can de corpo enteiro ou so a súa cabeza.

Gañou ...

 

Impresión 3D na aula de 1º

 A clase de primeiro quixemos agradecer a profe Kathy o traballo que realizou na olimpiada. Deseñamos en papel unha medalla para a que tivemos que tomar diferentes medidas e cálculos. De todos os deseños, botamos cal nos gustaba máis para levar á impresora 3D. Deseñamos o modelo, imprimímolo, pintámolo e puxémoslle unha cinta para regalarlla a Kathy.

Quedou encantada!

DÍA DAS LETRAS GALEGAS

 O cole de Quintela conmemora o Día das Letras Galegas levando un broche en forma de pandeireta feitos na impresora 3D.

Obradoiro de Scratch para familias con Paola Guimeráns

 Onte, tivemos o pracer de ter connosco na biblioteca do cole unha vez máis a Paola Guimeráns, especialista en educación STEAM, que nos viu ensinar ás familias e alumnado cousiñas sobre o pensamento computacional e linguaxe de programación coas placas Makey Makey e á aplicación Scratch.

Creamos escenarios con personaxes en Scratch, aprendemos sobre circuitos eléctricos con froita como elemento conductor e creamos un cómic poñendo os cables crocodilo sobre grafito dos lápis.

Grazas Paola por compartir estas aprendizaxes con nós!

Cortadora láser

 A nosa cortadora láser ten moita demanda na biblio. Esta vez, os nenos e nenas de 1° de primaria estamos a facer uns paxaros para coserlles lá e poñelos a decorar o cole. Xa vos ensinaremos como nos quedan.

OBRADOIRO DE SCRATCH

Este mércores, 9 de abril, de 17h a 18.30h, na biblioteca, realizaremos un obradoiro de scratch con Paola Guimeráns. 

Aprenderemos a facer pequenos circuitos coas placas makey makey. É unha actividade moi sinxela para que poidades facer cos nenos e nenas en familia. Poden vir acompañados dos pais ou doutro familiar que queirades.

Lembrade apuntarvos a través da axenda dos nenos/as ou a través do correo do colexio (ceip.quintela@edu.xunta.es).

Esperámosvos.

2° aprende na biblio

 Encántanos estar na biblioteca e aprender co diferente material que alí hai. Estivemos co Lego, co Osmo Pizza e Osmo Coding, cos paus de construir, cos vasos, co UNO e coas pezas de construir.

Impresión 3D para o Día da Poesía na aula de 2º de primaria

Moi fermosas as flores que fixeron as nenas e nenos de 2º de primaria para agasallar, xunto cun poema, aos seus padriños e madriñas lectores no Día da Poesía.

Empregaron a aplicación Doodle 3D para diseñar, pasaron os diseños á impresora 3D e puxéronse a imprimir. Por último, metidas nun sobre, deron unha flor e un poema a cada padriño e madriña lector.

Scratch e linguaxe de programación en 4º de primaria

 Hoxe, o alumnado de 4º estivo repasando  as comunidades autónomas de España. O fixeron dun xeito moi divertido e ameno, usando as placas Makey Makey e programando con Scratch.

O libriño feito en inglés coa palabra numbers por 6° de infantil

 Mirade que fermosos quedaron os números en inglés coa palabra numbers impresa na impresora 3D.

Fedellamos coa cortadora láser

 Na biblioteca temos unha máquina que chama moito a atención do alumnado e fai que pregunten cousas sobre ela. É unha cortadora láser que poucos coñecen o seu uso.

Estes días, o alumnado de 6º de primaria estivo fedellando con ela e co programa de deseño. Cortamos fieltro e DM. 

Gustoulles moito!

Obradoiro de títeres de dedos

 A pasada semana tivemos na biblioteca un obradoiro de títeres de dedos. Durante tres días e, durante o tempo de recreo, o alumnado dos distintos ciclos tivo a oportunidade de pasar polo taller e crear o seu títere. Tiñemos tres para elixir (eiruga, oso polar e pitiño).

Foi todo un éxito!

Día Mundial da Radio en RadioQuintela

Hoxe, como non podía ser doutra forma, no CEIP Quintela, celebramos o día Mundial da Radio cunha pequena homenaxe a este medio de comunicación tan importante e que nos cambiou a vida a todas e todos nós. A por moitos anos máis! 

Impresión 3D na aula de 6º de infantil

 A clase do teatro está a traballar os números en Inglés. Van facer un libriño con eles para levar a casa e así xogar con eles as veces que queiran.

Para facer máis fermoso o libriño, deseñaron e imprimiron un chaveiro coa palabra NUMBERS que levarán colocado. 

Mirade que fermosos quedaron!

Pensamento computacional na aula de 1º de primaria

 Canto aprendemos e traballamos cos robots que temos na biblio. Estivemos levando aos nosos robots ata os queixos que lle colocamos pola cuadrícula, escribindo previamente o percorrido que tiñan que facer nun papel e a través de frechas.

Foi moi divertido!

Obradoiro de títeres con Ton Arenas

 Obradoiro de títeres de cartón

O alumnado de 5º e 6º de Educación Primaria gozamos dun marabilloso obradoiro da man de Ton Arenas, quen nos amosou todo o proceso para deseñar e crear  o noso propio títere de cartón. Despois, démoslle voz e representamos pequenas escenas teatrais deixando voar a nosa imaxinación.

Arte en 1° de primaria

 Que obras tan fermosas crearon as nenas e nenos de 1° relacionadas co inverno.

Observade!

Na aula de 6º deseñamos un Paco para imprimir en 3D

 O alumnado de 6º de primaria estivo deseñando na aplicación Doodle 3D a Paco, a nosa mascota da biblioteca, para que o alumnado voluntario de colaborar nos recreos na garda de biblioteca poidan levalo colgado para identificarse como axudantes.

Quedáronlles moi fermosos!