Biblioteca do cole

26/05/26

CHARLA SOBRE CONVIVENCIA

As familias de Quintela puidemos disfrutar dunha tarde de aprendizaxe de estratexias de comunicación, da man de Jeniffer Herbón, de Convive+. Neste obradoiro pais, nais, nenos e nenas, puidemos poñer en práctica a comunicación asertiva, explicando a nosa necesidade dende o noso sentir, con respecto hacia a persoa coa que estamos a falar.

Unha boa convivencia empeza cunha boa comunicación. No cole de Quintela sabémolo e traballamos nisto. Non podemos evitar os conflitos, pero si podemos aprender a resolvelos de forma tranquila e pacífica.

VISITA Á BIBLIOTECA MUNICIPAL

O alumnado de infantil visitou a biblioteca municipal de Moaña e desfrutou dunha sesión de lectura. Valoramos especialmente estas visitas, xa que a biblioteca desempeña un papel fundamental como espazo para fomentar o gusto pola lectura.

21/05/26

Club lectura 4°

No club de lectura de cuarto lemos "Palabras de Caramelo", de Gonzalo Moure, unha preciosa historia de amistade entre un neno e un camelo, que nos chegou ó corazón, e tamén miramos a película do mesmo título, do director Juan Antonio Moreno Amador.

Agora, para rematar o curso, embarcámonos nas "29 Historias disparatadas", de Ursula Wölfel e, despois de ler algunhas delas, decidimos crear as nosas propias historias.

A ver que sae!

Obradoiro nos recreos

Os vindeiros luns, martes e mércores, na hora do recreo.

19/05/26

INVESTIGACIÓNS DE AULA

O alumnado de terceiro de Primaria continúa realizando pequenas investigacións na aula sobre diferentes temáticas que esperten a súa curiosidade e interese. Nesta ocasión, Lois e Jairo sorprenderon aos seus compañeiros e compañeiras cunha investigación sobre un parqur acuático abandonado na Arxentina.

Tras buscar información, documentarse e preparar o seu traballo, presentaron a súa investigación ao alumnado de sexto de Infantil e primeiro de Primaria, compartindo con eles todo o que descubriron sobre este tema.

Estas experiencias son moi enriquecedoras, xa que lles permiten desenvolver a súa curiosidade, aprender a investigar e mellorar as súas habilidades para comunicar e compartir os seus coñecementos cos demais. É unha grande satisfacción velos aprender con ilusión e converterse en protagonistas da súa propia aprendizaxe.

Novidades

As últimas adquisicións da biblio foron…

18/05/26

AS FAMILIAS CONTAN EN 6ºP

Hoxe tivemos unha visita moi especial na nosa aula de 6º de Primaria. Ádega, nai dun alumno de clase, participou no programa “As familias contan” e veu compartir con nós varios contos cheos de imaxinación, emoción e aprendizaxes.

Durante a sesión, escoitamos historias moi entretidas que nos fixeron rir e pensar. Ádega conseguiu crear un ambiente moi próximo e divertido, no que todos estivemos atentos ás aventuras e personaxes dos contos.

Ademais de fomentar o gusto pola lectura, esta actividade axúdanos a fortalecer a relación entre a escola e as familias, facendo que o alumnado viva experiencias diferentes e enriquecedoras dentro da aula.

Queremos agradecerlle a Ádega a súa participación, o seu tempo e a ilusión coa que preparou esta visita. Encantounos compartir esta experiencia e esperamos seguir gozando de novas sesións de “As familias contan”.

Moitas grazas, Ádega!

CLUB DE LECTURA DE FAMILIAS

17/05/26

CHARLA SOBRE CORRESPONSABILIDADE NO FOGAR

O alumnado de 5º recibiu unha charla e tamén fixo un obradoiro sobre a corresponsabilidade no fogar.

Traballaron a importancia de compartir as tarefas domésticas e practicaron algunha delas.

Gustoulles moito.

OBRADOIRO DE EDUCACIÓN EMOCIONAL

Estas últimas semanas temos, na clase de terceiro, unha actividade moi especial: un taller de educación emocional.

Nel estamos aprendendo moitas cousas como por exemplo a identificar como actuamos ante un conflito, como debemos falar e dar a nosa opinión sen ofender a ninguén...

Aquí deixámovos algunhas das actividades que fixemos.

15/05/26

Club de lectura

O club de lectura "Capibaras lectoras" tivo o pracer de ler esta magnífica obra de banda deseñada titulada "Drama" de Raina Telgemeier.

Mergullámonos no mundo do teatro a través duns personaxes moi divertidos que tiveron moitas aventuras. E que....a vida no instituto é moi complexa...

Recomendámosvolo!!

14/05/26

SALVEMOS AOS ANIMAIS

A semana pasada un grupo de nenas de 4º de primaria expuxeron un traballo de investigación para concienciar ao resto do alumnado do colexio sobre a importancia de coidar os animais.

Grazas a eles aprendemos moitos consellos para previr a súa extinción e evitar a caza furtiva.

Un traballo excelente compañeiras!!