Despois de traballar cos Bits da Intelixencia, o alumnado de 6ºI interesouse polos monumentos do mundo. Buscamos información na biblioteca, como aparece nunha entrada anterior, e elaboramos un mapa cos monumentos máis importantes.
A partir deste traballo e do maletín que realizamos coa información, estamos a descubrir cales están máis preto ou máis lonxe e compartindo os nosos monumentos favoritos. Unha experiencia moi enriquecedora para seguir aprendendo sobre o mundo.
O alumnado de terceiro de Primaria continúa realizando pequenas investigacións na aula sobre diferentes temáticas que esperten a súa curiosidade e interese. Nesta ocasión, Lois e Jairo sorprenderon aos seus compañeiros e compañeiras cunha investigación sobre un parqur acuático abandonado na Arxentina.
Tras buscar información, documentarse e preparar o seu traballo, presentaron a súa investigación ao alumnado de sexto de Infantil e primeiro de Primaria, compartindo con eles todo o que descubriron sobre este tema.
Estas experiencias son moi enriquecedoras, xa que lles permiten desenvolver a súa curiosidade, aprender a investigar e mellorar as súas habilidades para comunicar e compartir os seus coñecementos cos demais. É unha grande satisfacción velos aprender con ilusión e converterse en protagonistas da súa propia aprendizaxe.
.jpg)
Este curso o alumnado de 4º animouse a facer guións para un podcast e cada equipo escolleu un tema para conversar.
Aquí vos deixamos os resultados.
Se queredes escoitarnos premede nos títulos.
As nenas e nenos de 4º de primaria elaboraron un cómic e, coas Makey Makey estamos aprendendo a programar para que en cada viñeta se reproduza a nosa voz.
Gústanos moito!
No cole, traballamos o Día da Diversidade. O departamento de orientación preparou unha exposición que amosa a realidade para unha persoa con discapacidade cando escoita frases que consideramos "normais" dicir.
Nos cursos de infantil e algúns de primaria, prepararon unha ficha na que cada persoa escribía sobre os seus gustos e logo fixeron un intercambio de puntos de vista sobre o diferentes e diversos que somos.
O que nos quedou claro é que non hai dúas persoas iguais, todos somos diferentes e non por iso somos mellores nin peores.
Seguimos cos obradoiros de escrita en primaria. Con motivo das celebracións, cada curso se ocupa de facer os carteis da festa correspondente. Nesta ocasión tocoulle o turno a quinto de primaria, que fixo os carteis para o festival das Letras Galegas.Aquí tedes un exemplo.
En segundo seguimos investigando sobre Moaña, xogamos aos xogos tradicionais que recuperamos investigando en familia e ademáis o avó de Anxo contounos como era Moaña cando el era pequeno.
Grazas familias!
Durante este curso estamos a xogar coas letras, as palabras, a música e o ritmo.
Os pandas e as bolboretas, dentro do proxecto Teatro Quintela, promovido pola biblioteca do cole, investigamos sobre os tipos de teatro que hai. Levamos moito aprendido así que decidimos preparar unha exposición oral para explicarlle o que sabemos os nosos compañeiros/as do colexio. Para iso, preparamos unhas invitacións, co curso o que ía dirixido, o día e a hora. Logo fomos entragarllas as súas clases.
Moito traballan estes pequenos do cole.
