Visitando a exposición do Proxecto o mar

Canto aprendemos no cole! Unha exposición moi interesante sobre o mar.

 

Proxecto "O Mar" en 5º de primaria

 O alumnado de 5º estivo traballando moitísimo sobre a proposta que lle fixo a mascota da biblioteca Paco sobre o proxecto "O mar".

Investigaron sobre as illas que conforman o Parque Nacional das Illas Atlánticas. Gravaron na radio distinta información sobre Ons, Sálvora, Cíes e Cortegada e, enlazaron esa información coas Makey Makey programando con Scratch nas maquetas que elaboraron.

Un inmenso traballo que deu un fermoso resultado.

Parabéns!

Exposición proxecto o mar

 Xa están chegando as producións do proxecto O mar. A exposición está empezando a coller contido. Proximamente recibiredes unha invitación para facer unha visita guiada á exposición.

Infantil visita o museo do mar

Hoxe, o alumnado de Educación Infantil, visitou o Museo do Mar de Vigo. 

Participamos nun obradoiro de "Tesouros da Ría", onde puidemos descubrir a rica diversidade mariña que temos na nosa ría de Vigo, onde nos explicaron a gran diversidade de especies coas que convivimos, e puidemos tocar tanto unha esponxa, como corais, mandíbula de pel de tiburón, ovos de raia, cunchas, etc.

Tamén visitamos o acuario para observar os peixes que nadan na ría, centolas, mexillóns, tiburón e moitas máis animais mariños.

Proxecto o mar: as bateas

Este curso o proxecto do cole é "O Mar", polo que invitamos a dúas familias da nosa comunidade que traballan no sector para que compartiran con nós os seus coñecementos e as súas vivenzas.

Grazas a Mario e Adrián por compartir o seu tempo e as súas experiencias. As familias sodes unha gran fonte de aprendizaxe para nós.

 

Proxecto o mar

 A mascota enviou esta semana as cartas ás diferentes clases, cada unha cunha proposta de investigación diferente. Propoñémonos acercar a realidade cotidiana ás aulas dando pé a observar , investigar e aprender sobre feitos próximos. As bateas, os barcos, o Parque Natural da Illas Atlánticas son algunhas das investigacións que se desenvolverán nas aulas.

Sabedes para que serve?

O proxecto do mar resulta tan interesante para todos, que seguimos aprendendo cousas. Esta vez Breixo, de 2º nos explica: Unha bolla e explicounos para que serve:

A contaminación do mar

 A mascota da biblioteca, o ratiño Paco, preguntoulle aos nenos e nenas de 5º curso as causas máis importantes de contaminación no mar. Os alumnos e alumnas estiveron investigando e fixeron uns audiovisuais para responderlle. Este é o de Xiana: 

Día pirata na Illa de San Simón

Para ir rematando co proxecto deste ano, o mar, todo o cole foi pasar o día na illa de San Simón, nun barco pirata.Unha illa que nos conta cousas da nosa historia, e da  literatura.
A mestre de música preparou unha montaxe cas fotos do alumnado do 1º Ciclo.
ser pirata por un día, cansa moito, pero,...mirade o ben que o pasamos todos!!

            

 Os nenos e nenas de Infantil tamén o pasaron xenial:
:

As bateas flotan

Os hamsters ( 6º de Infantil) contestamos por fin á carta de Paco: "Para que serven as bateas? Para criar mexillóns". Aprendemos moitas cousas das bateas, pero ata o final de todo non nos demos conta que as bateas "é iso que flota no mar e que non se move". Así que nos asomamos e alí estaban... Tiñamos moita curiosidade por saber como flotaban as bateas, así que decidimos construir unha. Non foi fácil... Con dúas botellas e cuns pauciños puxemonos a traballar, e a base de probar e probar ó final fomos construindoa.

E despois de moito traballo chegou o momento de poñela a flotar....e por suposto, FLOTOU

Onde se crían os mexillóns?

o mes de marzo chegou a nosa aula unha nova carta de Paco. Neste caso, quería saber onde se criaban os mexillóns, asi que nos puxemos mans á obra! O primeiro que fixemos foi preguntarlle ás familias e en canto comezaron a chegar as primeiras respostas, puxémonos a traballar. Se ben, esta vez o fixemos diferente: fixémolo en equipo! Entre todos decidimos como queriamos facer a resposta: se grande ou pequena, se escrita por nós ou coas respostas da casa, con debuxos ou sen eles,... Logo de moito pensar, decidímolo facer en grade, escribindo nós mesmos a resposta, decidindo que fotos queriamos pegar e facendo a nosa propia batea!



A verdade é que nos gustou moito traballar en equipo, tanto que agora todo o queremos facer deste xeito!

Banda deseñada

Na casa da mocidade  podedes visitar , en horario de tarde, a exposición dos cómics presentados ao certame organizado polo concello.O alumnado de 5º e 6º de primaria do noso centro ten expostos varios cómics, centrados no tema do mar.

Os gañadores daranse a coñecer o día das Letras Galegas.

As actividades da biblioteca

Hoxe , En INFANTIL, cambiamos o horario do recreo para poder facer unha actividade na bibliotea. Tiñamos programada unha videoconferencia co Loro Parque de Tenerife.
As chicharras e as tartarugas, que non o lembraban, de camiño dicían:
 E PARA QUE IMOS A BIBLIOTECA?: 
- Imos recitar unha poesía...?
. - Vannos contar contos....?
- Vannos dicir adiviñas...? 
- Vannos falar os maiores....?
. - Imos ver un vídeo....? 
E É QUE NA BIBLIOTECA FACEMOS TANTAS COUSAS!!!!

No mes do libro.....un mar de contos

Contos do mar, un mar de contos. Na entrada do cole temos unha selección feita polo alumnado do terceiro ciclo , de libros sobre o mar.

Somos xornalistas

10 anos do Prestige en 2º curso

View more presentations or Upload your own.

Carta do ratiño Paco

A semana pasada recibimos carta de Paco en todas as aulas: 

CARTA INVITACIÓN A VER A EXPOSICIÓN

Ola a todos e todas!

Os ventos de novembro trouxéronme recordos tristes que aconteceron 10 anos atrás.

Saberedes que no mes de novembro do ano 2002, un temporal causou un terrible accidente nun enorme petroleiro de nome PRESTIGE, que pasaba diante das costas galegas.

O barco perdeu petróleo durante 6 días ata que se afundiu, provocando unha marea negra que afectou as costas galegas, portuguesas, asturianas, vascas e ata francesas. Foi o desastre do Prestige.

Quero invitarvos a que veñades a ver a exposición de fotografías que hai na entrada do cole e coñezades que cousas pasaron daquela.

Espero que vos guste!!

Temos unha exposicion de fotografías,...

No cole temos unha exposición de fotografías. Que será ? Hai que mirar e ler:

Empeza o curso

Despois de dous meses de silencio, aquí estamos de novo!
Hoxe empezou o curso, e con él un montón de propostas novas.
Este ano o noso proxecto vai ser "O MAR".
Como pronto cumprírase 10 anos do afundimento nas costas galegas do "Prestige", falaremos deso e xuntos reflexionaremos sobre o importante que é o mar para nós, e como debemos coidalo.
Pediremos a axuda das familias, coma sempre, porque con elas aprendemos moitas cousas.
Tentaremos facer saídas relacionadas co mar, e mais cousas que xa iremos contando.
Cantas ideas e proxectos temos!!!

 Convidamos a toda a comunidade escolar a subir a bordo de este proxecto!