No mes de abril, cada neno e nena da clase dos canciños, trouxo o seu libro ou conto favorito e compartiuno cos compañeiros e compañeiras. Faláronnos da súa páxina favorita, explicaron o argumento e, sobre todo, transmitiron a ilusión pola lectura.
Unha experiencia moi enriquecedora que nos axuda a medrar como lectores e lectoras!
Aquí tedes unha mostra de fotos enviadas polas familias que nos invita a descubrir como a lectura forma parte dos momentos cotiáns dos nenos e nenas,
A nosa exposición ten por título "Sementando lecturas".
O pasado 24 de abril celebramos o Día do Libro cunha fermosa actividade de convivencia entre 6º de Primaria e a escola de educación infantil "O Con".
Realizamos un apadriñamento lector, onde os maiores lles leron contos aos máis pequenos, compartindo historias e momentos moi especiais. Ademais, houbo un intercambio de cancións e e puxémoslle música coa guitarra de Txelu, a un conto que nos contou a todos e todas unha mestra de infantil que encheu a xornada de ledicia.
Foi unha experiencia moi enriquecedora que nos permitiu gozar da lectura xuntos e aprender uns dos outros. Volveremos pronto!
Os padriños e madriñas lectores desfrutaron dunha lectura mutua, de contos teatralizados e de momentos moi especiais na biblioteca.
Na Semana do Libro programamos un contacontos coa compañía Trémola Teatro, titulado A nena que se comía todos os seus libros. Esta actividade formou parte do programa Lectura en Familias.
Gústanos moito recibir ás familias e compartir con vós momentos especiais arredor da lectura. Foi un pracer contar coa vosa participación!
Hoxe celebramos o Día do Libro na biblioteca do colexio, cunha sesión de contacontos moi especial, a cargo de Olalla González, compañeira do colexio e autora de moitos libros infantís. O alumnado, dende infantil ata os maiores do cole, disfrutaron coas súas historias.
FELIZ DÍA DO LIBRO!!!
Hoxe disfrutamos dunha sesión de contacontos ó aire libre, aproveitando o bo tempo. Nesta ocasión, a nosa compañeira Olalla González, contounos os contos de "O coelliño branco" e "Carapuchiña vermella".
Con motivo do Día do Libro, as distintas librarías de Moaña cédennos libros para facer unha exposición na biblioteca. O alumnado visita a biblioteca e, de todos os libros, elixe o que máis lle gusta. Anota os datos nun papel e, se queren, poden ir mercalo coas súas familias á libraría para incrementar as súas coleccións persoais.
Hoxe celebramos o día do libro cun xogo de pistas na biblioteca. Cando rematamos fixemos un marcapáxinas moi molón.
Feliz día do libro a tod@s!!!
Hoxe, celebrando o Día do Libro, agasallamos ao alumnado cun marcapáxinas cos libros de Hematocrítico. O alumnado de 3º de Primaria, axudou ao alumnado de Infantil a facer o seu marcapáxinas.
FELIZ DÍA DO LIBRO!!!
Con motivo do Día do Libro, as distintas librarías de Moaña cédennos libros para facer unha exposición na biblioteca. O alumnado visita a biblioteca e, de todos os libros, elixe o que máis lle gusta. Anota os datos nun papel e, se queren, poden ir mercalo coas súas familias á libraría e beneficiarse dun desconto.
Os koalas visitamos a exposición das librerías de Moaña na biblioteca do cole. Encántanos curiosear nos contos!
Esta semana fomos á biblio para ver a exposición das últimas novidades que nos ofrecen dúas librarías de Moaña. Foi un éxito, xa que gustaron moito algúns títulos.
Con motivo do Día do Libro, as distintas librarías de Moaña cédennos libros para facer unha exposición na biblioteca. O alumnado visita a biblioteca e, de todos os libros, elixe o que máis lle gusta. Anota os datos nun papel e, se queren, poden ir mercalo coas súas familias á libraría e beneficiarse dun desconto.
Como motivo do Día do Libro, as distintas librarías de Moaña cédennos libros para facer unha exposición na biblioteca. O alumnado visita a biblioteca e, de todos os libros, elixe o que máis lle gusta. Anota os datos nun papel e, se queren, poden ir mercalo coas súas familias á libraría e beneficiarse dun desconto.
