Obradoiro nos recreos

 Os vindeiros luns, martes e mércores, na hora do recreo.

DESCUBRINDO TESOUROS

Hoxe tivemos o pracer de contar cunha nai que nos leu un libro moi bonito. 

Aprendemos moitos tesouros importantes que están agochados nas persoas: a empatía, o cuidado dos demais, protexer a natureza, a alegría... estes só son algúns exemplos.

Todos e cada un de nós ten un súper tesouro. 

Que importante é coñecernos e valorar o que podemos aportar aos demais!

HORA DE BIBLIOTECA EN INFANTIL

 Cada semana, o alumnado de Educación Infantil visita a biblioteca do centro para desfrutar dun tempo especial arredor dos libros. Durante a sesión,exploran libremente os diferentes recunchos de lectura e van coñecendo pouco a pouco a colección da biblioteca.

Ademais, realizan o préstamo semanal, escollendo un libro para levar á casa e compartir a lectura coas súas familias. Esta actividade contribúe a fortalecer o hábito lector e a crear vínculos afectivos arredor dos libros.

Aproveitando este momento tan especial, a titora tamén leva a cabo unha sesión de contacontos, na que as historias cobran vida e espertan a imaxinación, a curiosidade e o gusto pola lectura dos máis pequenos.

INVESTIGACIÓNS DE AULA

 O alumnado de terceiro de Primaria continúa realizando pequenas investigacións na aula sobre diferentes temáticas que esperten a súa curiosidade e interese. Nesta ocasión, Lois e Jairo sorprenderon aos seus compañeiros e compañeiras cunha investigación sobre un parqur acuático abandonado na Arxentina.

Tras buscar información, documentarse e preparar o seu traballo, presentaron a súa investigación ao alumnado de sexto de Infantil e primeiro de Primaria, compartindo con eles todo o que descubriron sobre este tema.

Estas experiencias son moi enriquecedoras, xa que lles permiten desenvolver a súa curiosidade, aprender a investigar e mellorar as súas habilidades para comunicar e compartir os seus coñecementos cos demais. É unha grande satisfacción velos aprender con ilusión e converterse en protagonistas da súa propia aprendizaxe.

Novidades

As últimas adquisicións da biblio foron…

AS FAMILIAS CONTAN EN 6ºP

Hoxe tivemos unha visita moi especial na nosa aula de 6º de Primaria. Ádega, nai dun alumno de clase, participou no programa “As familias contan” e veu compartir con nós varios contos cheos de imaxinación, emoción e aprendizaxes.

Durante a sesión, escoitamos historias moi entretidas que nos fixeron rir e pensar. Ádega conseguiu crear un ambiente moi próximo e divertido, no que todos estivemos atentos ás aventuras e personaxes dos contos.

Ademais de fomentar o gusto pola lectura, esta actividade axúdanos a fortalecer a relación entre a escola e as familias, facendo que o alumnado viva experiencias diferentes e enriquecedoras dentro da aula.

Queremos agradecerlle a Ádega a súa participación, o seu tempo e a ilusión coa que preparou esta visita. Encantounos compartir esta experiencia e esperamos seguir gozando de novas sesións de “As familias contan”.

Moitas grazas, Ádega!

CLUB DE LECTURA DE FAMILIAS

 

CHARLA SOBRE CORRESPONSABILIDADE NO FOGAR

 O alumnado de 5º recibiu unha charla e tamén fixo un obradoiro sobre a corresponsabilidade no fogar.

Traballaron a importancia de compartir as tarefas domésticas e practicaron algunha delas.

Gustoulles moito.

OBRADOIRO DE EDUCACIÓN EMOCIONAL

 Estas últimas semanas temos, na clase de terceiro, unha actividade moi especial: un taller de educación emocional.

Nel estamos aprendendo moitas cousas como por exemplo a identificar como actuamos ante un conflito, como debemos falar e dar a nosa opinión sen ofender a ninguén...

Aquí deixámovos algunhas das actividades que fixemos.

Club de lectura

O club de lectura "Capibaras lectoras" tivo o pracer de ler esta magnífica obra de banda deseñada titulada "Drama" de Raina Telgemeier.

Mergullámonos no mundo do teatro a través duns personaxes moi divertidos que tiveron moitas aventuras. E que....a vida no instituto é moi complexa...

Recomendámosvolo!!

ELABORANDO OS NOSOS MARCAPÁXINAS

 O alumnado de primeiro fixemos un marcapáxinas empregando a cortadora láser.

Primero fixemos o dexeño nun papel, despois o pasamos á biblioteca da cortadora láser e, por último, a gravar! 

SALVEMOS AOS ANIMAIS

A semana pasada un grupo de nenas de 4º de primaria expuxeron un traballo de investigación para concienciar ao resto do alumnado do colexio sobre a importancia de coidar os animais.

Grazas a eles aprendemos moitos consellos para previr a súa extinción e evitar a caza furtiva.

Un traballo excelente compañeiras!!

 

Novidades

 Esta semana temos…

Cosemos Leds en 3º de primaria

Na aula de 3º escribimos uns fermosos poemas que ilustramos e decoramos cun led que cosemos.

Quedáronnos fermosísimos!

Desafío CanSat

Este curso académico, o alumnado de 5º participou no desafío CanSat. É unha iniciativa da Axencia Espacial Europea (ESA) que reta o alumnado de toda Europa a construír e lanzar un mini satélite do tamaño dunha lata de refresco. 

Un CanSat é unha simulación dun satélite real, integrado dentro do volume e a forma dunha lata de refresco. O desafío para o alumnado é adaptar todos os subsistemas principais que se atopan nun satélite (xerador de enerxía, sensores e sistema de comunicación) dentro deste espazo tan reducido. Ademais, cómpre sempre deseñar un sistema de descenso en forma de paracaídas.

Na fase rexional en Galicia, o CanSat elévase dentro dun dron, dentro dun habitáculo específico xunto aos CanSats doutros equipos, sendo liberado en altitude para comezar a misión primaria. Na rápida caída realízase un experimento científico, analizando posteriormente os datos de presión e temperatura e humidade recompilados.

Aquí vos deixamos un video resumo de todo o traballo realizado.

Parabéns polo excelente traballo!