Impresora 3D

Comezamos o curso e a nosa impresora xa ten moito traballo que facer. Estamos imprimindo, entre outras cousas, as pezas dos soportes do celo, que sempre nos rompen con uso.

Formación en radio para o alumnado de 5° de primaria

 O venres tivemos o pracer de contar no cole con Damián Alonso, que nos ensinou moitas cousas sobre o mundo da radio (intensidade da voz, tono, volume, indicacións sobre cómo dar paso á voz ou á música cando gravamos…). Ensinounos a facer un guión e, por parellas, gravamos o noso podcast.

Grazas Damián, aprendemos moito!

O primeiro ciclo nos recantos da biblioteca

 Canto aprendemos e desfrutamos nos recantos da nosa biblioteca.

Teatro Quintela

Comeza un novo proxecto neste curso 24/25.  Este ano investigaremos sobre o teatro. 

O primeiro día o alumnado entrou nun cole convertido por un día nun teatro, e levaron unha entrada invitando a toda a comunidade educativa a disfrutar dun curso cheo de teatro.

Espéranos un curso cheo de diversión e maxia, apredendo guións, bailes, sendo actores e actrices, preparando maquillaxes, vestiarios, escenarios, pero sobre todo...disfrutando do teatro.

Un poema, un dito e unha adiviña de outono na voz do alumnado de 1º de primaria

 Que fermoso o poema de Antonio García Teijeiro e un dito e adiviña popular na voz do alumnado de 1° de primaria.

Non menos fermosos son os fondos debuxados por eles e elas.

As cabazas terroríficas con led en 6° de primaria

 Logo de moito practicar, de preguntarnos o motivo polo que os led non acendían, de coser e descoser… por fin demos rematado as nosas cabazas terroríficas! Decoramos o corredor en elas e, gustaron moito ao resto de compañeiros e compañeiras do cole.

 

Preparando o Samaín

 O alumnado de 6° quere decorar o corredor do cole con cabazas que teñan por ollos uns led de cores que lle están a coser. 

Mirade que ben o están a facer.

Apadriñamento lector

 Os pandas e as bolboretas compartimos lecturas co alumnado de 3ºP. Disfrutamos dos contos e da compañía dos nosos amigos e amigas lectoras. Esperamos con ilusión máis encontros como este!!!

Compartindo lecturas: 6ºI e 4ºP

 A clase do teatro e a de 3ºP compartiron lecturas na nosa biblioteca

Pasamos un rato moi divertido coñecéndonos e lendo contos.

Primeira visita de Paco

Os pandas e as bolborestas subimos nos primeiros días de curso á biblioteca para saudar a Paco, o noso ratiño. Aproveitamos para facer un xogo para aprender a colocar os contos, dentros das actividades de formación de usuarios, e tamén compartimos e disfrutamos lendo contos.

Contacontos Paula Carballeira

 Que gran éxito tivo Paula Carballeira na sesión de contacontos!!

Paula, coas súas dotes interpretativas, levounos a bosques tenebrosos e aos mares de Xapón para rematar cunha pantasma na Illa de Cortegada.

Esta gran actriz, escritora e contacontos fixo as delicias do público pequeno, mediano e grande na nosa biblioteca.

Moitas grazas familias pola vosa participación!

4º de primaria nos recantos da biblioteca

 Comezamos o curso repasando as normas de uso e comportamento na biblioteca e tamén descubrindo novos recantos e actividades que podemos facer nela.

Nesta ocasión, aprendemos a programar os Zowi, a dirixir as Sphero Mini, así como desfrutamos doutros recantos como o Lego e o xogo dos vasos.

 

Lectura e Familias, comezamos

 O vindeiro mércores 16 de outubro estará con nós Paula Carballeira. Recibirémola na biblioteca nunha sesión de contacontos pola tarde dentro do programa Lectura e Familias.

Paula Carballeira, actriz, escritora e experta en narración oral, recibíu o Premio Nacional de Literatura dramática en 2023. Non perdades a oportunidade de coñecela!

Lecturas para o primeiro día

Comezamos un novo curso cun montón de contos novos. Estas foron as primeiras lecturas do curso nas aulas. Agardamos compartir moitas historias máis!!!

FELICES LECTURAS NESTE NOVO CURSO!

 

Lecturas de monte e praia

 Foi un éxito a convocatoria do curso 2023-2024 para o préstamos de verán.

Un total de 38 nenos e nenas levaron lecturas para as vacacións. Lecturas de monte e prais , que pasarán o verán lonxe dos andeis, ata que en setembro volvan de novo. Case 600 lecturas de viaxe!

Moitas grazas ao equipo de apoio á biblioteca, que estivo toda a mañá rexistrando os préstamos.