Murgas do Entroido

Temos xa subidas as murgas de Entroido no blog de Normalización do colexio . Pulsa no folleto para entrar, e poderás escoitar como cantan os diferentes cursos:

Entroido no cole

Hoxe celebramos o Entroido no cole.Como estamos traballano o proxecto "Outros paises, outras culturas", cada curso disfrazouse do pais que está investigando.

O noso Paco estivo presente, na pancarta do cole.

Aquí tedes unha mostra da festa de hoxe:

Pechamos a biblio

A biblioteca do cole vai estar pechada unha semana.

Aproveitando estes tres días de descanso,vannos cambiar o teito e a iluminación para que quede máis bonita.

Logo, o xoves e venres que ven teremos que ordenar todo de novo.

Para conseguilo imos precisar a axuda dos nenos e nenas maiores do cole.

Esperamos que nos quede ben!!!

O entroido

Como xa vos comentaramos, grazas a o Recanto de Mik , temos unha caza do tesouro sobre o Entroido.

Tedes que pulsar no ratiño Mik, ( que é amigo do noso ratiño Paco) e ir respondendo as preguntas que vos fai, despois de visitar os enlaces.

Xa sabedes que hai agasallo para os primeiros que respondan.

Boa sorte!

Presentacións

Os nenos e nenas de 6º curso seguen a traballar as presentacións. Aquí tedes máis:



Para velos todos no seu blog:
http://cursodesexto.blogspot.com/search/label/Presentaci%C3%B3ns

Préstamo entre profes

Dende hai algún tempo, temos na sá de profesores unha caixa "especial":


Os profes traemos libros de casa libros que depositamos nesa caixa.

Asi temos xa unha pequena pero variada colección de libros para prestarnos uns a outros.

Os libros que levamos anotámolos nunha libreta.

Caza do tesouro

O venres pasado rematou o plazo para entregar as respostas da webquest da paz que tiñamos enlazada no menú do blog.
Era un traballo voluntario dirixido aos alumnos e alumnas de terceiro ciclo.
Os nenos e nenas que o fixeron (un 50 por cento) recibiron hoxe un agasallo.

Pronto teredes unha nova proba sobre o Entroido.
Ide afiando os lápices!

Cartas de amor

Nestes días que andamos falando do amor, recuperamos unha carta de amor publicada na prensa local,  gañadora hai tres ou catros anos o certame de cartas de amor do Concello de Cangas. E de unha ex-alumna, e no seu momento deunos unha gran satisfacción lela no periódico:

Ola meu...:

Se a miña memoria non me engana, creo que é a primeira vez que te escribo. Non te estrañes, non é por nada malo, é que quería expresar as miñas emocións cara a ti.

Todas as noites penso no tempo pasado e quero volver a vivilo. Cantas cousas descubrín en ti, grazas a ti son o que son agora. Toda a miña infancia paseina ahí contigo e daquela non apreciaba o que era estar ahí, Caramba!.Que afortunada era!.Agora que me decato, non podo volver atrás a vivir eses momentos outra vez, que lástima!.

Cando estou coas miñas amigas da infancia poñémonos a falar e a recordar aqueles tempos nos que todas nos encontrabamos ahí, contigo, pero xa non é o que era!. Agora a xente que pasa por ti, xa non lle da aprezo ao que ten.Nós si que disfrutabamos!.Ai! Cantas aventuras, acórdaste?

Ainda que, ...como te vas acordar?.Tí non te podes lembrar porque ti só es o meu colexio, o colexio no que medrei, o colexio no que descubrín amigos para toda a vida. O colexio onde non había día no que non saíse del cun rascazo de andar a gabear, xogar e disfrutar da miña enerxía e do meu corpo xoven. Si, que tempos!

Saúdos ao meu colexio de Quintela.

P.D. Mestres, tampouco me esquezo de vós. Un bico.

Saray Alvés.

Tradutor

Grazas ao Segrel temos coñecemento de un tradutor de galego,castelán, euskera e catalán.
Acabamos de engadilo ao menú do blog, en "Para saber mais".
Esperamos que vos sexa útil.

Boas traduccións!
¡Buenas traducciones!
¡Bones traduccions!
¡Itzulpen onak!


Aquí tedes un enlace:
TRADUTOR

Educación documental en sexto curso

Os nenos e nenas de sexto están aprendendo a facer presentacións do seus traballos.Trátase de aprender a organizar a información, e presentala de maneira sinxela e agradable, sin esquecer nunca a bibliografía. Aquí tedes o traballo de Juan e Daniel. A ferramenta que usamos para subila ao blog, impídevos ver as transicións, que son moi chulas:

Gatos Galego

View more presentations from bibliotecadocole.

Salón do Libro de Pontevedra

Estase a celebrar o X Salón do Libro Infantil e Xuvenil de Pontevedra.

Este ano o tema escollido é o AMOR.

Dende o 1 de Febreiro ata o 15 de Marzo haberá as distintas exposicións no Pazo da Cultura de Pontevedra.

Estas son algunhas:

Mostra de libros.Varias editoriais.

Amor polas aulas .Exposición de traballos escolares.

Filla das Ondas. Homenaxe a Fina Casalderrey.

Hai tamén, como outros anos, espacios ambientados polo alumnado da Escola de Bellas Artes de Pontevedra, ademais de obradoiros, contacontos, teatro,...

Máis información na seguinte páxina:

http://www.salondolibro.org/

Na entrada do noso cole estamos preparando entre todos unha pequena exposición de libros de amor.
¿Queres axudarnos?:
Pon o que che guste, para que vaia crecendo,..

Seguindo a pista das mochilas

Hai tempo que nos vos contamos das mochilas viaxeiras.
Este curso puxemos a viaxar cara as familias tres mochilas.
Pero como gustan tanto, o mes pasado empezaron a viaxar tres novas mochilas.
Nestes momentos hai dúas en 1º, dúas en 3º e dúas en sexto curso.
As mochilas está 15 días en cada casa, e as libretiñas van estando cheas de comentarios, e suxerencias sobre o contido.

O Sacapenas: unha iniciativa para imitar

O Sacapenas é un libro que fala dunha tradición guatemalteca que consiste en por debaixo da almofada un boneco para que as penas desaparezan.O libro trae un pequeno Sacapenas.

O conto entrou na nosa biblioteca hai xa dous anos. A profesora Mª Carmen leu o conto na súa clase de 2º curso.

Aos nenos e nenas gustoulle tanto, que foron turnándose para levalo para casa, e por o sacapenas debaixo da almofada.

O libro estivo un mes na clase de segundo, ata que todos poideron sacar as súas penas.

Despois volveu a biblioteca.

Ao pouco tempo, descubrimos que perderamos o Sacapenas. Dende entón nos gusta pensar que vive debaixo da almofada de alguén que o necesita.

Os compañeiros o CEIP A Rúa de Cangas acaban de por en marcha unha fermosa iniciativa: facer Sacapenas para enviar aos nenos e nenas de Gaza. Pulsa no libro para ver como se lles ocorreu a idaa:

E si pulsas na foto dos Sacapenas, verás como lles están quedando, e a carta que escribiron:

Animadesvos vos tamén?

Novidades para as familias

Temos na biblioteca novos títulos para as familias.

Dende que puxemos a viaxar as mochilas viaxeiras, descubrimos o interés pola lectura de libros de apoio na educación dos propios fillos.

No cole tentamos satisfacer esa demanda, e pouco a pouco imos facéndonos con unha pequena colección.

Para a seleccion dos libros, contamos coa colaboración de compañeiros de outras bibliotecas escolares.

Os libros están na entrada da biblioteca.Podedes levalos en préstamo.

Os pais e nais que non teñen carné, no momento de levar o libro deben deixar os seus datos, e nuns días terán o carné.

Tedes os títulos dos últimos libros no noso CLUB DE LECTURA

Día da Paz

O 30 foi o Día da Paz no colexio, despois de varios días facendo debuxos, aprendendo cancións, recitando poemas, mirando películas, reflexionando nas clases,...

Tamén fixemos unha exposición de libros de Paz, na entrada do cole, e uns murais.

O venres reunímonos no patio do colexio, collidos das mans.

Todos levamos unhas pegatinas("Eu amo a paz) que preparamos o día anterior nas clases:Os nenos e nenas de 6º leron un manifesto que prepararan na clase,desexando paz.

Os máis pequenos cantaron xuntos unha canción.

Despois tocoulle o turno aos de 5º curso, que se estrenaron como pandereteiros e pandereteiras.

Os de 6º tocaron o himno da alegría coa flauta.

E por último soltamos unhas pombas, co desexo de que espallen a Paz.