O alumnado de 1º e 2º de primaria estivo traballando o corpo humano na materia de ciencias. Remataron poñendo un led simulando un corazón na silueta dun corpo humano e tamén xogaron cos ratos robot programando os seus movementos para levalo ata distintos códigos QR e así visualizar videos sobre a parte do corpo correspondente.
Aprenderon moito e, sobre todo, pasáronno xenial.
O alumnado de 6º de infantil aprendeu a usar a cortadora láser para facer uns canciños de cartón. Visualizaron todo o proceso na biblioteca e logo tocou decorar os cans.
O alumnado de 6º de infantil investigou este trimestre sobre a súa mascota, "Os canciños". Buscaron información na biblioteca e con todo o recollido e investigado elaborarn un "lapbook" con todo o aprendido.
Unha vez rematado o traballo, compartiron a información cos compañeiros e compañeiras de 1ºP e 4ºP.
Tocoulles o turno nas semanas de decembro a Efrén e Álex, que nos contaron os contos de "Tengo un volcán" e "La ovejita que vino a cenar".
Desfrutamos moitísimo coas sesións de contos dos compañeiros/as.
Hoxe vivimos un momento moi especial no CEIP Quintela, xa que se realizou o primeiro programa de radio en directo do colexio (RadioQuintela). Foi unha experiencia moi ilusionante que marca o inicio dun novo proxecto de comunicación escolar.
Durante o programa falouse das actividades que se están a levar a cabo no centro con motivo do Nadal, compartindo con toda a comunidade educativa o ambiente festivo que se vive estes días no colexio.
Os encargados de estrear esta iniciativa foron os alumnos Rubén, Emma, Daniela e Mario, que participaron con moita ilusión, responsabilidade e entusiasmo, demostrando un gran traballo en equipo e unhas excelentes habilidades comunicativas.
Agardamos que sexa a primeira de moitas!
O alumnado do 3º ciclo estivo deseñando na aplicación Tinkercad o seu nome nunha placa para, a continuación imprimilos e colocalos nos maletíns dos ordenadores E-Dixgal.
Quedáronlles moi ben.
O alumnado de 3º quería facer o nome do equipo de clase na impresora 3D. Primeiro tomaron as medidas da placa da impresora, para non facer o deseño moi grande. Logo, deseñaron en papel o nome do equipo, pasáronno á aplicación Doodle 3D e, por último, imprimiron e colocaron nas mesas.
Traballaron moito, pero o resultado foi moi satisfactorio.
A semana pasada, tivemos obradoiro de manualidades navideñas para decorar o cole e tamén para levar a casa.
Fixémolo nas horas do recreo e as propostas foron: unha estrela, un círculo con cintas, un boneco de neve ou un reno para deixar decorando os corredores do cole e logo, un marcapáxinas para levar a casa.
O cole quedou fermoso!
Sonia, a mamá de Asier, viu contar tres contos á nosa clase: La casa de la abuela, Feroz o lobo e ¡De aquí no pasa nadie!
Gustáronnos moito!
Moitas grazas por compartir estos contos con nós.
O vindeiro luns celebraremos a primeira xuntanza do Club de Lectura de Familias, co libro "El secreto de la perfección" de Lola Fernández Pazos.
Non vos perdades a selección de contos navideños que temos na biblioteca. Pasade e ollade!
