Por amor

Por amor nacín da terra.
Por amor son o que son.
Por amor canto o meu canto,
por amor.

Por amor sángranme os pulsos
e abréseme o corazón.
Por amor dóenme os ollos.
Por amor,só por amor.

DARÍO XOHÁN CABANA."Cantigas do setenta.A sede,a auga"
Recolllido en "Poetízate",de Fran Alonso.Ed Xerais
Imaxe "El beso" de Gustav Klimt
Máis poesía en Poemas para peques

A biblioteca convoca,...

O alumnado que fixo as actividades propostas pola biblioteca (cuestións de paz) recibiu un pequeno agasallo.

Ide afiando os lapis, porque xa temos outra actividade.

Esta vez o premio será para os mellores!!
A biblioteca do cole convoca un concurso de cartas de amor:
Pode ser unha carta de amor dedicada á vosa familia, a vosa mascota, ao cole, a un amigo/a, ao voso pobo,…
Recollede na biblioteca o papel para redactala

(lembrade facer primeiro un borrador)
Cando a teñades lista, entregádea na biblioteca escolar antes do 28 de febreiro.

AQUI tes o formato para facer a carta,

e AQUI algúns consellos para escribila, que nos chegan dende a biblioteca do Ceip Milladoiro de Malpica

Esperamos con impaciencia as vosas cartas!!!!

A nosa exposición sobre a astronomía

O proxecto que traballamos ao longo do curso é a ciencia, repartido así:

• A astronomía
  
• Os científicos e científicas, e os seus descubrimentos

No primeiro bloque, cada curso invetigou sobre un aspecto diferente da astronomía, pero escollendo a Galileo Galilei como eixo das nosas investigacións

Foi un tema que apasionou ao alumnado.

Os traballos realizados concretaronse nunha exposición que nestes días visitamos. Destes xeito aprendemos dos demais.

A exposición é un éxito.

Descarga aquí a guía da exposición.
Aquí tedes algunhas fotos:

E aquí podes consultar unha selección de páxinas que fixemos para vós, con información, fotografías e xogos sobre a astronomía.

Os saltimbanquis

O xoves os alumnos de 2º, 3º e 4º de Primaria fomos á biblioteca municipal a ver o espectáculo "Os saltimbanquis".

A obra do Teatro do Morcego, está baseada nun conto dos irmáns Grimm:

Un burro, un can, unha galiña e unha gata, deciden facer un grupo musical.

Sabedes agora de que conto vos falamos?

O espectáculo gustounos moito.

Un pouco de historia

Vimos este cadro no blog amigo Trafegando Ronseis:
Preme na imaxe, e entrarás no cadro.
O cadro está composto de personaxes históricos.
Poñendo o cursor enriba de cada personaxe, vas ver o seu nome, e se clicas nel, poderás entrar na súa páxina da wikipedia

Cuestións de Paz

Paco escribiu unha carta para pedir axuda aos nenos e nenas do segundo e terceiro ciclo .

Ten moitas preguntas sobre a paz!! E vós podedes axudalo.

Solo precisades consultar esta páxina e algúns libros da biblioteca escolar.

Recolle a túa carta na biblioteca.

Queres saber o que vos pide? Preme na imaxe de Paco:

Premios Nobel

Atopamos esta presentación na rede.
Falta o último premio Nobel.
A ver se averiguades quen foi:

Premios Nobel Paz 3

View more documents from informaticalitoral.

Música pola Paz

O Himno da Alegría é a canción que escollemos no cole para celebrar o Día da Paz.
A continuación tedes unha escolma musical realizada polas Bibliotecas escolares galegas, que nos chega grazas a O segrel do Penedo

Build your own custom video playlist at embedr.com

Arte con libros

Gústanos esta presentación de Trinity Blu que vimos en Nosololibros:

How Do You See Books...

View more presentations from Trinity Blu*** Don’t Thank Me for Viewing Shows....but Rather, Pay It Forward :))*** .

Para saber máis e máis

Xa chegou ao noso cole, procedente do Ceip Abelendo de Moaña, a colección de libros "Para saber máis e máis" da campaña "Lecturas de ida e volta" da Fundación Sánchez Ruipérez.

Trátase dunha selección de 70 libros informativos para os nenos e nenas do segundo e terceiro ciclo, repartidos en catro lotes:

• Coñece o mundo que TE rodea.
• Resolve as túas dúbidas.
• Sorpréndete cos libros.
• Eu fago, ti experimentas, el manipula.

Por outro lado, a colección que tivemos ata agora "¿Que te cuentas?", para os nenos e nenas de Infantil e primeiro ciclo de Primaria, gustounos moito.

Onte viaxou xa para o Ceip Reibón de Moaña.

Aquí outras entradas sobre as lecturas de ida e volta.

Queredes saber cales lle gustaron máis aos nenos e nenas de infantil? Mira no blog de

Infantil Quintela.

Ano do Libro e a Lectura

A Xunta declarou o ano 2010, Ano do Libro e a Lectura.

Hai programadas actividades, exposicións, homenaxes (Torrente Ballester e Luís Seoane), conmemoracións,..

Comeza coa campaña "Libros sobre rodas", na que un autobús percorre as catro provinvias galegas, agasallando os viandantes cun libro.

Máis información en Hora de Ler, da asesoría de bibliotecas escolares de Galicia

Día da Paz

Achégase o 30 de xaneiro, declarado pola ONU no ano 1964 como

Día Escolar da Paz e a Non Violencia e aquí temos diferentes recursos para á aula:

Para os nenos e nenas do terceiro ciclo, un xogo. Chámase "Vai estalar a Paz".

Para os de segundo ciclo, un conto:

Para os máis pequenos do cole,o conto "Wangari e as árbores da paz" que nos chega dende a Escola de Vide:

Wangari Publicacion

View more documents from aldeatotal.

No seminario Galego de Educación para a Paz temos unidades didácticas e recursos variados:

Na seguinte páxina imos atopar fichas, debuxos, lecturas e contos sobre a paz:

En enrédate con UNICEF hai varios xogos e información sobre Haití e o terremoto.

Lembrade que a metade dos afectados son nenos.

Por último,na biblioteca do Ceip Mestres Goldar teñen unha magnífica recompilación de recursos na rede:

Cine e literatura

Sherlock Holmes o detective creado por sir Arthur Conan Doyle, que utiliza o método deductivo para resolver os seus casos, está agora de novo de actualidade:

Estes días estréase no cine unha nova versión cinematográfica de Sherlock Holmes.


É unha boa ocasión para ler algunha das súas novelas.


Se queredes saber máis, no club de lectura tedes o tráiler desta película, así como información sobre as novidades da biblioteca escolar.

Falece Miep Gies

Lemos hoxe no diario "El País" que faleceu Miep Gies, á idade de 100 anos.

Miep Gies axudou á familia de Anna Frank a esconderse dos nazis.

Era a secretaria de Otto Frank, o pai de Anna e colaborou levándolles víveres ao almacén onde permaneceron escondidos durante 25 meses, ata que foron descubertos polos nazis.

Miep Gies atopou os diarios de Anna Frank e gardounos ata que, rematada a guerra, puido devolverllos a Otto Frank, único membro da familia que sobreviviu aos campos de exterminio nazi.

O diario, que Anna recibira de agasallo no seu 13 aniversario, narra a vida durante o tempo que permaneceron escondidos.

Dende a súa publicación, no ano 1947, é un dos libros máis lidos no mundo.

Na biblioteca escolar tedes varios exemplares do diario de Anna.

Se queres ler algúns fragmentos do diario, preme aquí.

Novo ano

Despois das vacacións, estamos de volta de novo.

Estas son as actividades que están en marcha:

• Os axudantes de biblioteca (alumnos e alumnas voluntarios de 3º ciclo) renovan esta semana os seus "contratos" por outros tres meses. No equipo de biblioteca estamos moi satisfeitos do grupo deste curso, pois toman con moita seriedade o seu traballo.

• Continuamos co noso proxecto anual, (a ciencia) que no primeiro trimestre adicamos á astronomía e neste estará dedicado aos inventos.

• Seguimos co baúl de contos "¿Que te cuentas?" da campaña "Lecturas de Ida e Volta" da Fundación Sánchez Ruipérez, pero a finais desta semana cambiarémolos pola colección de libros informativos "Para saber más y más" para o alumnado de segundo e terceiro ciclo.

• Unha vez máis, estamos cambiando a distribución da biblioteca, xa que o aumento de alumnado no cole obríganos a maximizar o espazo para poder traballar na biblioteca.Esperamos que vos guste. Pronto subiremos as fotografías, en canto rematemos.

• O Nadal trouxo un montón de novidades na biblioteca. Estamos fichando moi rápido, para que poidades disfrutalos pronto.

• E, por suposto, seguimos cos itinerarios lectores, os clubs de lectura, a hora de ler, as mochilas viaxeiras,...