As librerías máis bonitas de Europa

Vía Nosololibros temos coñecemento deste mapa que edita a páxina Bibliobsessión 2.0. Nel saen as bibliotecas máis fermosas de Europa. En España saen cinco, dúas de Madrid, unha en Guadalajara, outra en Palma de Mallorca, e unha en Santiago de Compostela. Si queres saber cales son, deberás entrar no mapa.

Xoga

Vemos este feixe de xogos da Secretaría Xeral de Política Lingüística no Recanto de Mik.
Son para nenos e nenas de 3 a 6 anos.

Traballar por proxectos

Queremos mostrarvos como e porqué traballamos por proxectos no cole de Quintela:

Biblioteca escolar e proxectos documentais

View more presentations or Upload your own.

Novo proxecto para o vindeiro ano

A proposta da biblioteca, seguiremos traballando un proxecto anual común, que nos permita afondar nun mesmo tema a todo o profesorado.
Queremos integrar no proxecto, na medida do posible, todas as actuacións do centro nas distintas festividades ( Día das bibliotecas escolares, O outono, O Nadal, Entroido, Día da Paz, Día da Poesía, Mes dos libros, Mes das letras galegas) que celebramos no noso centro, para unir esforzos, e non duplicar traballo.
O proxecto aprobado polo claustro para o vindeiro curso, ten o título “A ciencia”
Queremos abordar o proxecto dende varios aspectos: os científicos, os inventos, e os descubrimentos. Pensamos que a amplitude do tema vainos permitir abordar outros temas do currículo como a coeducación, a influencia histórica de certos inventos e descubrimentos, as desigualdades na aplicación dos avances científicos e tecnolóxicos, ...

A nosa mascota Paco ten que ir preparando as súas preguntas, que tanto nos fan traballar.

Datos do préstamo

O noso colexio ten un total de 126 alumnos/as. Todos son socios da biblioteca. Tamén son socios da biblioteca o profesorado, o persoal non docente e unha decena de familias.

Este curso os nenos e nenas de 4º de Infantil (3 anos) utilizaron unhas fichas manuais para o préstamo, polo tanto o préstamos nesa aula non está contabilizados no programa de xestión da biblioteca.

O noso programa contabilizou este curso un total de 1.237 préstamos, dende o mes de outubro ata rematar o curso.

Este verán, por vez primeira, prestáronse lotes de libros ás familias que o solicitaron.

Axudantes de biblioteca

Os axudantes de biblioteca, todos eles alumnos e alumnas de sexto, rematan as súas tarefas estos días. Deben ordenar a biblioteca, recorrer as clases lembrando a necesidade de devolver os libros, recoller as bibliotecas de aula, e gardar os libros nos seus andeis.

Por todo isto, reciben un agasallo. Trátase dunha pequena libreta de notas.

Esperemos que lles gusten!!

O vindeiro curso teremos novos axudantes de biblioteca. Serán alumnos voluntarios do terceiro ciclo. A ver cantos se apuntan!!!

Club de lectura

Hoxe foi a última xuntanza do Club de lectura do cole. Algúns das rapazas estarán o vindeiro curso no instituto. Imos botalas de menos.

O libro que comentamos foi "Bala perdida" de Manuel Rivas.

Ao rematar a xuntanza, quedou na biblioteca un misterioso olor a pastel de chocolate, ...Non estaba prohibidísimo comer na biblioteca???

Diversión na biblioteca

A semana pasada, Nico veu ao cole, e fíxonos pasar uns momentes moi divertidos contandonos un conto,... Gustóunos moito a todos.

Guías de lectura

Esta semana espezamos a repartir polas librerías do Concello as recomendacións de lectura para o verán.

Hai dúas, unha para o alumnado de Educación Infantil, e outra para o de Primaria.

As dúas levan recomendacións para pais, nais, avós, avoas,...

Preme aquí para descargalas.

A ver si vos gustan!!!

As linguas suman

Este é o tríptico informaitvo elaborado pola Coordinadora de Equipos de Dinamización e Normalización Lingüística. sobres as linguas. Preme nel para descargalo.

Recomendación

No blog Biblioteca en maiúsculas para xente minúscula da Escola de Educación Infantil Fernández Varela da Pobra do Caramiñal, atopamos recomendado un libro moi especial para nós:

Don Pol e pequeno Pin, escrito por Max Portela, pai de un alumno, e editado por Baía.

Curso de contacontos

Vía Kalandraka:

O narrador Tim Bowley vai impartir un curso de contacontos
para adultos, co lema Sementes ao vento, que se celebrará en
LIBROS PARA SOÑAR os días 26 e 27 deste mes. O curso está
dirixido a docentes e profesionais relacionados co ensino,
animadores de tempo libre, libreiros, bibliotecarios e persoas
interesadas na narración oral como estratexia para animar a ler
e como medio de expresión dirixido ao público infantil.
Este narrador británico afincado en Galicia é especialista en historias da tradición oral de todo o mundo.
Ten publicados dous álbums infantís, “Xaime e as landras” e “Amelia quere un can”, ambos en
KALANDRAKA. Tamén é autor dunha antoloxía narrativa editada en 1990 no Reino Unido e do libro de relatos “Semillas al viento: cuentos del mundo”, publicado en 2001.

Con máis de 20 anos de experiencia como contacontos, Tim Bowley ten actuado en numerosos países.

Viaxando polo mundo

Temos novidades de "Edicións Quintela" , a editorial do cole. Inician a colección "Paco polo mundo", e son tres libros. Os títulos: "Viaxando polo mundo".

Son unha recompilación de parte da información que todos os cursos foron recollendo dos países que traballaron este curso, dentro do proxecto anual da biblioteca