Estamos en abril, o mes dos libros. Como outros anos, a nosa programación contempla actividadas variadas para o alumnado, familias e profesorado.Xa comenzamos coas xuntanzas dos clubs de lectura, que este curso son máis dinámicas e participativas.
Nas aulas estamos no proceso de selección de libros favoritos, o que fomenta discusións e debates para decidir cal é o que máis nos gusta. Pronto empezaremos a ver á porta das aulas o resultado desta discusión.
A programación deste mes ten como eixo o mundo da edición do libro, para isto teremos encontros cunha ilustradora, un escritor, encadernadores/as e editore/as:
- Exposición de ilustracións orixinais de OQO
- Charla do escritor/editor Miguel Anxo Alonso Diz, autor entre outros libros, de "O cullarapo Croque"
- Charla sobre o traballo editorial de Rinoceronte Editora
- Charla para o profesorado de Gracia Sanctórum sobre o album ilustrado
- Exposición sobre o traballo da encadernación do Departamento de Artes Gráficas do IES Montecelo
E ademais, como todos os anos, as propostas para a familia: "As familias contan", exposición de fondos das librerías do concello e exposición fotográfica " o libro,, protagonista ".
Na imaxe o cartel conmemorativo ao Día Internacional do Libro Infantil e xuvenil, ilustrado por Nyam Sharkey.
Ningún comentario:
Publicar un comentario
Deixa aquí o teu comentario. Non esquezas por o teu nome pulsando en "Nombre".Sairá publicado cando nos chegue.