Semana da prensa no terceiro ciclo

Visto no blog do Terceiro Ciclo en Quintela:

Dende que empezou o curso, dispoñemos dun xornal , "La Voz de Galicia", para ler nas aulas. O alumnado de 6º recibe o seu xornal os martes, e o alumnado de 5º curso os mércores. Ademais, na hora TIC temos 10 minutiños para ler a prensa dixital, á que accedemos dende "O Kiosko".

Esta semana, ademais de ler e comentar, estamos traballando coa prensa na escola.
Para iso contamos con dous xornais para cada un: "El Pais" e "La Voz de Galicia".

Aprendemos a diferenciar as distintas seccións, a ver o tratamento que dan á mesma noticia os xornais, a localizar a información que precisemos, a identificar as distintas edicións, ....
E todo iso cubrindo os cadernos da semana de prensa, que nos achegaron dende a biblioteca escolar.