Educación documental en Infantil. Os elefantes

Os nenos e nenas de Infantil tamén fan educación documental:

Educ documental infantil

View more presentations or Upload your own.

Premio Nacional de Literatura Infantil e Xuvenil

O Ministerio de Cultura acaba de conceder o Premio Nacional de Literatura Infantil e Xuvenil ao excelente escritor galego Agustín Fernández Paz polo libro "O único que queda é o amor".

Agustín Fernández Paz é un dos nosos escritores favoritos.
Un dos seus libros, A escola dos piratas" forma parte da selección feita polo equipo de biblioteca para o LIBRO-FORUM.

Parabéns dende estas paxinas ao escritor.
Tedes acceso as obras súas que temos na biblioteca pulsando no libro:

Día das bibliotecas escolares

O dia 24 celebrouse o Dia das bibliotecas escolares.Este foi o autoadhesivo que repartimos este ano.Os protagonistas son os nenos e nenas de Infantil, buscando "onde viven os leóns"

Como di o lema dos II Encontros de bibliotecas escolares de Galicia, que tanto nos gustou:
"Bibliotecas para ler e aprender", este ano decidimos celebrar o día aprendendo na biblioteca:
Cada curso recibiu unha carta de Paco, a mascota do cole, pedíndolles que responderan a unha pregunta.

Durante os tres últimos días, todos os cursos pasaron pola biblioteca para buscar a resposta.Agora, coa información atopada, todos están elaborando un "documento", que expoñeremos na entrada do cole.

Este é un resumo de todas as cartas recibidas: PACO QUERE SABER...


Como sabedes paso o día entre os libros da biblioteca.


Divírtome unha chea porque me gustan moito os vosos libros.

Necesito a vosa axuda,teño un montón de preguntas.
Queredes axudarme a buscar as respostas?
Estas son as preguntas:

QUE COMEN AS XOANIÑAS? (4º de Infantil)

COMO VIVÍAN OS INDIOS DE NORTEAMÉRICA? (5º de Infantil)

PARA QUE LLE SERVEN AS ANTENAS AS BOLBORETAS? (6º de Infantil)

CAL ERA O NOME DE UNHA FAMOSA MULLER PIRATA? (1º de Primaria)

CAL ERA O DINOSAURO MÁIS RÁPIDO? (2º de Primaria)

QUEN INVENTOU O TELÉFONO? (3º de Primaria)

QUEN INVENTOU A IMPRENTA? (4º de Primaria)
CAL É O NOME DA CREADORA DO CORPO DE ENFERMEIRAS? (5º de Primaria)
QUEN É STEPHEN HAWKING E QUE APORTACIÓN FIXO A CIENCIA? (6º de Primaria)
Xa vos contaremos como foi a busca,..

Club de lectura

Hoxe, na biblioteca do cole,tivemos unha xuntanza do club de lectura.




Mais información en CLUB DE LECTURA

Inauguración da biblioteca de Moaña

Mañá mércores, inaugurase a biblioteca Municipal de Moaña, despois dunha completa e necesaria remodelación, para poder atender a demanda de uso.

A biblioteca de Moaña ten dende o seu nacemento unha intensa actividade .

O bibliotecario, Suso Parada, sempre tivo clara a importancia da coordinación e atención aos colexios, e mantén unha programación de cara a eles ano tras ano.

A biblioteca escolar do noso cole ten que agradecerlle o seu apoio,asesorándonos,emprestando fondos da súa biblioteca, e contando con nós para programar actividades.Non debemos esquecer que a sede da biblioteca central de Moaña está ubicada no antigo colexio de Quintela, e que pronto cumprirá cen anos

Esta biblioteca ten algún premios de prestixio pola súa labor de dinamización.

Tamén temos que mencionar que o seu catálogo na rede, o Meiga, é o máis consultado de todas as bibliotecas públicas de Galicia.

Hoxe estivemos algunha profesoras do equipo de biblioteca para vela.Gustounos moito.Esperamos que siga mellorando.

O recanto dos máis pequenos está decorado polo ilustrador de contos Marc Taeger.

Mais fotos en ALBUM DE FOTOS.

II Encontros de Bibliotecas Escolares de Galicia

Este fin de semana celébranse en Santiago os II Encontros de Bibliotecas Escolares de Galicia.

Alí estaremos 5 profesoras do colexio,para aprender, compartir e intercambiar experiencia.

Máis información en:

http://www.edu.xunta.es/biblioteca/blog

No outono..........poemas

A lúa está dormida.
A noite está a chamala.
A lúa está roncando.
A noite está esfadada.

Cobren sabas de prata
o seu leito salgado.
Hoxe xa non esperta;
segue cos ollos pechados.

Dorme a lúa no mar.
Sombras voan no ceo.
Pensa a noite,tristeira:
"O inverno xa está preto".

Antonio García Teijeiro."Lueiro de papel"

Atoparedes máis poemas de outono ( Juan Ramón Jiménez , Federico García Lorca.....) en Poemas para peques

Club de lectura

Pronto imos reiniciar as xuntanzas do club de lectura do colexio.

Estamos seleccionando o libro para ler, e imos pasar polas aulas a anotar aos nenos e nenas que queiran formar parte do club.

Lembrade como funciona:

-Haberá unha primeira xuntanza para vernos, e prestarvos os libros.

-Logo haberá tres reunións máis, unha por trimestre

-En cada reunión comentaremos un libro.

-As reunións do club serán na biblioteca, e na hora do recreo.(Ese día, de maneira excepcional, poderemos merendar na biblioteca)

-Para formar parte do club, terás que estar en 4º, 5º ou 6º de Primaria, e ler o libro que imos comentar.

Aquí tedes un enlace para ver como foi o club de lectura do curso pasado:
CLUB DE LECTURA DE QUINTELA

Curso de sexto en Quintela

Os nenos e nenas de sexto curso do cole están traballando nun blogue.
Chámase "Curso de sexto en Quintela".
Imos usalo de ferramenta para aprender a redactar textos, facer e descargar fotos,buscar páxinas interesantes, expoñer traballos, escanear debuxos, etc.
Logo subimos as entradas coa axuda do encerado dixital.
Este é o debuxo da mascota que escolleron para por no blogue. Pulsa nela para ver o blogue.
Tentaremos facer unha entrada semanal.
¡Esperamos os vosos comentarios!