Biblioteca do cole

Fomento da lectura en familia

2012-02-01T17:08:00.000+01:00

A prestixiosa Fundadión Sánchez Ruipérez organiza un obradoiro para nais e pais (¡Animadles a leer!) que ten a finalidade de traballar o hábito da lectura con nenos e nenas de entre 7 e 11 anos.
O obradoiro é online, e para inscribirse, AQUÍ está o enlace. O prazo de inscripción é ata o 26 deFebreiro de 2012.
A información sobre o curso AQUI,

Contos pola paz

2012-01-27T19:01:00.000+01:00

A Escola Unitaria de Vide, preséntanos unha interesante recompilación de contos relacionados coa Educación para a Paz,

Preme na imaxe para acceder aos contos.

Cuestións de Paz

2012-01-23T20:09:00.001+01:00

De novo temos un pequeno cuestionario para o alumnado de 3º ciclo. Trátase de cubrilo buscando a información no blog da bibliotecas. Xa sabedes, o que o cubre ben, ten premio.

Podedes retirar o cuestionario na biblioteca, ou descargalo AQUI

Día da Paz 2012

2012-01-23T18:56:00.002+01:00

O vindeiro 30 de Xaneiro celébrase o Día Escolar da Paz e a Non Violencia , en memoria de Mahatma Gandhi.
Nestes días no cole aprendemos cancións, lemos contos, e dialogamos sobre a paz e a non violencia
Deixamos aqui un conto para os maiores do cole:

E para os máis pequenos do cole,o conto "Wangari e as árbores da paz"

Wangari Publicacion

View more documents from aldeatotal.

Temos tamén estas actividades, para aprender máis cousas sobre a Paz:

O conto do mes..

2012-01-18T20:48:00.001+01:00

Na clase de Primeiro seguen esconllendo o mellor conto do mes, e a mellor poesía do mes. Esta vez votaron por un conto de "Saber máis" porque ...eles o explican

AQUÍ toda a información

Decora a árbore de Nadal

2011-12-28T11:58:00.000+01:00

Visto en Casa de tol@s

Envolver agasallos de xeito ecolóxico

2011-12-25T10:58:00.000+01:00

Sabes canto papel se gasta en envolver agasallos? Mira como podemos evitar ese atentado contra a natureza:

¿Cómo es el Infinit-loop? from Didac Ferrer on Vimeo.
Visto en Blibliofagia

Lecturas para o Nadal en Primaria

2011-12-15T16:33:00.000+01:00

Estas son as recomendacións para Primaria:

Lecturas primaria2

View more presentations from dinamizanormaliza

Recomendacións de lectura para o Nadal en Infantil

2011-12-15T16:31:00.000+01:00

Nos próximos días imos repartir as recomendación de lecturas para o Nadal que nos propón a Coordinadora de Equipos de Normalización e Dinamización do Morrazo :

Lecturas infantil

View more presentations from dinamizanormaliza

O apalpador

2011-12-12T14:57:00.000+01:00

No Nadal chega de novo o "Apalpador" .
Xogade co personaxe con este LIM feito no Barbanza:

10 de Decembro-Día dos Dereitos Humanos

2011-12-10T11:03:00.001+01:00

63 anos despois da súa proclamación, segue sendo necesario lembrar esta data, 10 de decembro, na que a Asamblea Xeral das Nacións Unidas aprobou a Declaración dos Dereitos Humanos.

Necesario porque nin tan sequera nos países que asinaron esta declaración están garantidos estes dereitos en igualdade de condicións para toda a poboación. Non hai máis que botar unha ollada ao noso arredor, asomarse ás noticias.

Mais aínda así cabe pensar que un outro mundo é posible, que hai arrecendos espallados no ar que nos permiten prender unha candea pola esperanza, por estas xeracións, hoxe nen@s, adolescentes, que medran nas nosas aulas, ao abeiro das nosas Bibliotecas -das súas lecturas, da súa información, da súa formación- nen@s e adolescentes que se implican ilusionad@s e con empeño en proxectos coma "Coñecernos para querernos", nun intercambio persoal e de coñecementos con nen@s dos campamentos saharahuis, para quenes a apertura dunha biblioteca con (o Bubisher) ou sen (O Niño do Bubi) rodas, supón moito máis que un mundo de oportunidades. Para acceder á ilusión, aos soños, á formación, ao coñecemento doutras culturas, doutro idioma.

E con esa candea acesa, brincan faíscas que prenden en case un cento de Bibliotecas Escolares Galegas, que por todo o país escollen cada unha un fermoso álbum ilustrado para agasallar a ese recén estreado Niño do Bubi, porque, coma nas nosas propias Bibliotecas, toda inauguración é unha festa. A esa festa que é a lectura, nesas bibliotecas acubilladas na area, queremos enviar estes álbumes como aves portadoras de boa sorte, como bubishers* cheos de cor, imaxes, historias. Porque as nosas bibliotecas, @s nos@s lectores e lectoras, compartimos co Bubisher, cos lectores e lectoras das súas bibliotecas a crenza firme nos Dereitos Humanos, dende o seu 1º artigo: "Tod@s nascemos libres e iguais en dignidade e dereitos"

* O bubisher (Oenanthe leucopyga e Oenanthe leucura) é un paxariño tímido que vive na Península e tamén en África, aquí chamámoslle collalba negra e no Sáhara o seu nome significa paxaro da boa sorte, no dialecto hassaní é Bubchir بوبشير (o da boa nova) porque adoita aniñar e criar despois das choivas, o que quer dicer que medrará a herba, algo moi importante para quen ten gando.

Bubisher é tamén o nome dun autobús-biblioteca que circula entre os campamentos do Sáhara para levar lectura e información. Ou sexa, unha biblio... pero con rodas!!!

Se queredes unirvos á iniciativa de Álbumes para o Bubisher, só tedes que poñer os vosos datos xunto ao resto das Bibes Galegas.

Música e DDHH

Texto de Maribel Serantes (CEIP Os Casais)

Imaxe atopada aquí

As castaña no ourizo,,,

2011-12-07T20:13:00.001+01:00

ESTIVEMOS APRENDENDO REFRÁNS DE OUTONO. TAMÉN FIXEMOS TRABALLOS PLÁSTICOS COS OURIZOS E AS CASTAÑAS. AQUÍ TEMOS O DE 6º DE INFANTIL:

O rato e os ventos

2011-12-01T21:35:00.001+01:00

Como xa sabedes, os nenos e nenas da aula de 4º curso, prepararon o conto de Arnold Lobel, "O rato e os ventos", para contarllo ao alumnado de 1º curso co Kamishibai. Aproveitamos o excelente traballo que fixeron para crear un pequeno video coas suas voces e ilustracións.

Chega o culturgal

2011-11-28T23:05:00.000+01:00

O Culturgal, a Feira das Industrias Culturais de Galicia, celébrase esta fin de semana no Pazo da Cultura de Pontevedra. Comeza o venres e ao longo de tres días contará con presentacións de libros, obradoiros infantís , actuacións musicais, entrevistas e unha chea de actividades para todo tipo de públicos .

No seu Foro debatiranse propostas de desenvolvemento para este importante sector empresarial galego e facilitará a posta en contacto das empresas e a circulación de información especializada.

Conta cunha programación especial para as familias, con actividades tan variadas como obradoiros de cociña, contacontos, presentacións de discos, karaoke, maquillaxe, etc.

Consulta aquí o programa e elixe o mellor momento para apoiar esta iniciativa, tan importante para o mundo empresarial da cultura, e pasar unha divertida xornada.

Contra a violencia de xénero

2011-11-23T20:17:00.001+01:00

O vindeiro venres celébrase o Día Internaciónal contra a violencia de xénero.
No segundo e terceiro ciclo traballan o tema preparando un audivisual sobre o conto "Rosa Caramelo.
O venres teremos na biblioteca escolar o visionado de varios vídeos e contos que tratan o tema.

Mentres, deixamosvos o enlace a unha páxina de recursos elaborada na biblioteca escolar do
CEIP Víctor Sáenz de Mazaricos

O rato e os ventos no Kamishibai

2011-11-17T22:14:00.001+01:00

Retomando a actividade "Conta que che conto" na que todos os nenos e nenas do cole somos contacontos.

Os alumnado de 4º de Primaria ilustrou paaa o kamishibai unha das historias de "Contos de ratiños". de Arnold Lobel, o conto de "O rato e os ventos".Despois forono conarlla aos pequenos de 1º de Primaria que aplaudiron moito.

Vídeo das bibliotecas escolares

2011-11-16T19:26:00.001+01:00

Este vídeo que publican na páxina da Asesoría de Bibliotecas escolares de Galicia foi rodado en distintas bibliotecas que forman parte do Plan de Mellora de Bibliotecas escolares, entre elas a nosa. O vídeo presentouse no Congreso de Bibliotcas en Tránsito, celebrado en Santiago os días 10,11 e 12 de Novembro.
Mais información:

As castañas tamén sirven para....

2011-11-13T18:52:00.001+01:00

O xoves celebrouse o magosto no cole.
Os pequenos do cole (1º de Primaria e Infantil) mostrannos que as castañas non só sirven para comer...:

CALCULANDO , COMPARANDO EN INFANTIL

Debuxando con castañas en Primeiro:

View more presentations from bibliotecadocole

Congreso Bibliotecas escolares en tránsito

2011-11-13T18:27:00.001+01:00

Vimos de asistir ao Congreso de Bibliotecas escolares en tránsito, celebrado en Santiago de Compostela.
Un Congreso cheo de personalidades que non nos decepcionaron.

As conferencias de Javier Celaya, ou Michele Petit, os debates de Jaume Carbonell, José Antonio Cordón, ou Puerto Menéndez e Rosa Piquín, as experiencias de outros compañeiros nas bibliotecas escolares, foron de unha calidade que esperamos ser capaces de trasladar ao noso facer diario,

Día da Ciencia en galego

2011-11-05T09:09:00.001+01:00

Onte, no Día da Ciencia en Galego, os nenos e nenas do 3 ciclo asistiron no cole á videoconferencia tan esperada.
Chegou o día e a técnica deixounos gozar do relatorio de Dona Isabel Fraga Vila coma se estiveramos na mesma universidade.

Non eramos os únicos, xa que máis de 4000 rapaces e rapazas de 70 centros toda Galicia poideron compartir con nós a experiencia.

A directora do Museo de Historia Natural de Santiago e profesora de Botánica desta universidade deixounos claro por que os bosques son tan importantes.

Nunha amena e clara charla foi explicando cales eran os tipos de bosques, como era a intervención humana neles e que beneficios aportan á humanidade. As palabras da especialista en Botánica eran acompañadas por unha clara presentación, compartindo a pantalla coa imaxe da relatora, axudando a visualizar toda a información.

Cando rematou o seu relatorio a profesora, todos os asistentes querían saber máis e así o demostraron formulando preguntas como:

Que especies están ameazadas en Galicia?

Cal é a árbore máis grande do mundo? E a que máis vive?
Como podemos evitar a deforestación?
Cales son os bosques máis importantes de Galicia? E do mundo?
Son os eucaliptos perxudiciais para o montes?
Sobre estas cuestións o moitas outras seguirán dsen dúbida investigando nas aulas.
Na nosa comarca, centros como o CEIP A Rúa e O Hío de Cangas, o CEIP Montemogos de Bueu, e os CEIP de Tirán e Domaio de Moaña , seguiron a videoconferencia " Sabes por que 2011 e o ano internacional dos bosques" que organizou a Coordinadora Galega de Normalización Lingüística en colaboración coa Universidade de Santiago de Compostela.

Congreso Bibliotecas escolares en tránsito 2011

2011-11-04T20:33:00.000+01:00

Os días 10, 11 e 12 de Novembro vaise celebrar o Congreso de Bibliotecas Escolares en Tránsito 2011.
Este Congreso está organizado polo Ministerio de Educación e a Consellería de Educación da Xunta de Galicia..Asociado ó Congreso terán lugar os Encontros de bibliotecas escolares en tránsito, no que unha parta importante do profesorado galego integrante da Rede de bibliotecas teremos a posibilidade de asistir.
Para máis informacion_

http://www.bibliotecasescolaresentransito.com/gl/default.asp

http://bega-horadeler.blogspot.com/2011/11/bibliotecas-escolares-en-transito.html

http://www.edu.xunta.es/biblioteca/blog/

O congreso retransmitese en directo. Este é o enlace para seguilo:

http://www.bibliotecasescolaresentransito.com/gl/streaming.asp

O poema do mes, o libro do mes

2011-11-03T22:29:00.002+01:00

Os nenos e nenas de 6º de Infantil e 1º de Primaria escolleron a mellor poesía do mes de outubro, e o mellor conto do mes. Estes son os elixidos. Que vos parecen?

Fai unha cabaza dixital

2011-10-28T21:10:00.001+02:00

Lembrades este xogo? Entrade para facer unha cabaza:

Día da bibliotecas escolares

2011-10-24T19:39:00.001+02:00

Hoxe celébrase o Día das bibliotecas escolares.

Por eso a nosa mascota da biblioteca, o ratiño "Paco" envíou unha carta a todos os nenos e nenas, para que xuntos busquen na biblioteca a resposta as súas preguntas.
E Paco non se esquece tampouco das familias, por eso envioulles unha carta a todas as nais e pais, para que saiban coussas da nosa biblioteca escolar.

A primeira visita á biblioteca

2011-10-15T11:31:00.003+02:00

Os pequenos e pequenas de 4º de Infantil fixeron a súa primeira visita á "biblioteca de Paco". En realidade era a mirioteca, a vidioteca, bidoteca.... en fin pronto aprenderán a decir biblioteca, pero o que lles quedou claro é que alí había moitísimos contos e que Paco (aínda non sabemos moi ben se é un rato ou unha persoa) tiña moitas sorpresas para eles.

O primeiro que fixeron foi xogar con Paco a un xogo de apropiación do espazo, no que unha silueta de Paco era agachada polos diferentes recunchos da biblioteca. As zonas que debían identificar nesta sesión eran:

- a zona dos contos de
etiqueta azul

- a zona dos contos de etiqueta vermella

- a zona dos contos de etiqueta verde

- o ordenador para prestar contos

-o ordenador para utilizar os nenos e nenas

-a zona para sentar e ler.

Gustoulles moito xogar con Paco e así de contentos se poñían cando atopaban a silueta. En sesións posteriores, practicaremos xogos que permitan coñecer a colección dedicada a súa idade.

O blog colectivo da biblioteca pública

2011-10-12T20:13:00.000+02:00

A biblioteca Pública de Moaña ten un blog colectivo, onde as persoas que queiran participar poden escribir sobre libros e lectura.
Podedes atopar opinións sobre "La tia Mame" de Patrick Dennis, etc, "Flora Poste y los artistas" de Stella Gibbons, "El piano" de Jean Echenoz, etc

Recursos para a educación documental

2011-10-12T10:50:00.002+02:00

Dende a biblioteca escolar do CEIP Víctor Saínz chéganos unha estupenda selección de recursos para a formación de usuarios da biblioteca escolar, e a educación documental. Deixamos un enlace no menú lateral, porque imos a usalo moito. Tamén podes entrar clicando na imaxe:

Mochilas en marcha

2011-10-10T19:59:00.000+02:00

A semana pasada empezaron a sua andaina as mochilas viaxeiras, cargadas de libros para as familias. De momento hai unha en cada curso de Primaria, pero pronto teremos máis.
Boa viaxe e boas lecturas para todos!

Contacontos na biblioteca municipal

2011-09-29T13:36:00.000+02:00

DE TIN MARÍN

Contacontos

Por

Soledad Felloza

VENRES 30 DESETEMBRO

ás 18:00 horas

na BibliotecaMunicipal de Moaña

PARA NENOS/AS DE4 A 10 ANOS

Aprendendo a usar a biblioteca

2011-09-27T19:55:00.001+02:00

No CEIP de Pedrouzos teñen un xogo interactivo moi interesante para repasar os usos da biblioteca. Para todos os nenos e nenas do 2º e 3º ciclo. Debedes ter en conta que na nosa biblioteca, os primeiros lectores teñen a etiqueta azul, e non amarela.

.

Clica na imaxe para xogar.

Preparando a biblioteca

2011-09-21T15:42:00.001+02:00

Este curso imos moi despacio na preparación da biblioteca.
As profesoras do equipo de biblioteca non temos tempo! Menos mal que temos axuda:

As nais do equipo de biblioteca están recollendo as bolsas do préstamo de verán.

Tamén o alumnado axuda. O pasado venres tivemos a xuntanza co alumnado voluntario para axudar na biblioteca escolar neste curso. Son 20 nenos e nenas que nos recreos van traballar en grupos de catro para organizar a biblioteca.

Pronto teremos lista a biblioteca.

Despedida

2011-09-13T22:44:00.000+02:00

Comezamos o curso con tristeza.

Temos que despedir á compañeira Mª Dolores Martínez Tobío, docente no IES Luis Seoane de Pontevedra e responsable da biblioteca escolar do centro. Hai só uns meses que Mª Dolores nos puxo a Salvar Libros por centros de toda Galicia. Salvar os libros que valen a pena, as linguas nas que se escriben eses libros, as bibliotecas nas que se gardan... a memoria dunha mestra que día a día traballou a favor da cultura e a educación.

Este é un documento colaborativo como tantos outros nos que Mª Dolores adoitaba participar co seu habitual entusiasmo. Desgraciadamente convocounos hoxe a súa despedida e pensamos nesta pequena homenaxe que xorde da mesma rede que ela axudou a tecer. Canto tempo e ilusión dedicados a Biblioiris, a súa bitácora vinculada á biblioteca escolar do instituto! Por iso os nosos blogs lamentan hoxe a súa ausencia. Por iso esta entrada será publicada por moitos outros centros, ademais dos que aquí figuran. Esperamos que este documento saiba representar tamén a tantas persoas que, desde a rede PLAMBE das bibliotecas escolares galegas, desexan expresar o seu pesar e as súas condolencias á familia e amigos da nosa compañeira. Son tantos os centros que a súa relación excede as dimensións deste documento.

Grazas Mª Dolores polas palabras, polas reflexións, polas propostas, polo tempo, polo que fixemos xuntos e que permitirá seguir camiñando pola ruta das bibliotecas escolares.

Cristina Novoa

Pilar Sampedro

Asesoría Bibliotecas Escolares

Imaxe das ligazóns: Rapaza lendo. Gustav Adolf Hennig

O vento vainos levando

2011-09-12T23:05:00.000+02:00

Para María Dolores, mestra do IES Luis Seoane de Pontevedra, compañeira de proxectos e ilusións, que nos deixou,... O VENTO vainos levando,O vento que sempre bufa,Que di palabras extrañas,Que enfeitiza como bruxa.O vento aliado do mar,O mar que espera coas furnas,Coa boca aberta, fatídico,Moloch terrible de gula.Mais -vento, mar- todos chiamosE ouveamos baixo a lúa,E a lúa só é candilA nos poner en penumbras.Mais –vento, mar- , coma tolos,Todos brincamos na furiaE todos nos esvaímosRompéndonos en escuma. Poema do home que quixo vivir. Bernardino Graña

Aquí estamos

2011-09-10T11:14:00.000+02:00

Ola a todos e todas!Aquí estamos de novo, coa ilusión de un novo curso, cheo de novidades.Ao longo da semana que ven iremos recollendo os libros do préstamo de verán, e organizando as bibliotecas de aula.O luns vémonos na biblioteca do cole!

O espantallo amigo en video

2011-07-09T22:01:00.001+02:00

Este é o vídeo da adaptación da obra "Espantallo amigo" de Neira Vilas, representado polo alumnado de 4º curso:

O alumnado de 6º e a Galipedia

2011-06-24T23:12:00.003+02:00

O alumnado do 6º curso preparou nos últimos días do curso a entrada na Galipedia do pintor moañés Xavier Ríos:

Pouco a pouco, imos aumentando as colaboracións.

Ultima semana

2011-06-24T22:59:00.001+02:00

Esta última semana estivemos moi atarefados na biblioteca escolar.
O luns tivo lugar a última xuntanza do curso do club de lectura de nais.

Ademais, ao longo de toda a semana, as familias puideron levar bolsas de libros en préstamo para o verán, co lema "Historias de monte e praia". Para elo, nais do equipo de apoio encargaronse de aconsellar e anotar os libros. .
A biblioteca recibiu moitas visitas, e os préstamos aumentaron significativamente con respecto ao verán pasado, o que nos permite pensar con gran satisfacción que é unha actividade que se vai afianzando.
Felices lecturas para todos e todas!!

A biblioteca escolar ponse guapa

2011-06-14T23:48:00.000+02:00

Estos dias tivemos visita na biblioteca escolar. Viñeron de unha productora de televisión para gravala. Entre todos tivemos que ordenala moito, moito. Agora ides ver que unhas fotos.E mañá o resto.

Novas lecturas, información do club

2011-06-05T23:04:00.000+02:00

O 17 de xuño, xa casi rematando o curso, temos a última cita para o club de lectura de nais.

As 8,30 da tarde xuntámonos na biblioteca escolar.

O libro que estamos lendo é "La tía Mame" de Patrick Dennis.

É un libro de humor, publicado por primeira vez no 1955, pero trata temas de plena actualidade, con unha desenvoltura inusitada para a época.

O libro foi rechazado por 19 editoriais antes de ser publicado. Resultou un gran éxito de ventas, e estivo na lista dos máis vendidos durante 112 semanas.O seu autor foi un dos escritores norteamericanos máis populares dos anos cincuenta.

No blog do CLUB DE LECTURA
atoparás a información, ademais das últimas novidades da biblioteca escolar, para nenos e maiores.

A insoportable levedade das bibliotecas escolares galegas

2011-06-01T11:15:00.003+02:00

Ante a previsible retirada de formadores específicos no ámbito das bibliotecas escolares no Servizo de Formación do Profesorado, no Centro Autonómico de Formación e Innovación e nos centros de formación e recursos dependentes da Dirección Xeral de Educación, Formación Profesional e Innovación Educativa, segundo o borrador da orde que convocará concurso público de méritos para cubrir postos de persoas directoras e asesoras nestes centros queremos manifestar o seguinte:

Hai proxectos que nacen marcados pola vulnerabilidade e a razón desta circunstancia non ten nada que ver coa falta de rigor ou a pouca entrega das persoas que os poñen en marcha. Máis ben ten que ver co feito de que nacen destinados a nadar contra corrente.

Con todo, esa é a principal razón da súa existencia: xorden porque responden a unha necesidade non satisfeita pero compartida por un número crecente de persoas que senten que é posible compartir e facer viable o proxecto xuntos.

Así naceu o movemento que cristalizou na iniciativa que todos coñecemos como PLAMBE. De xeito que dende hai algúns anos, esa iniciativa levou o mellor da creatividade e o esforzo de moitos docentes que xenerosamente regalaron o seu tempo e a súa capacidade de formar equipos e ilusionar a outros docentes en centros e centros de toda a nosa comunidade. Xuntos aprendemos a ser rigorosos e esixentes nos nosos proxectos, a crear espazos de aprendizaxe colaborativo, de cambios de estratexia, de achegamento ás novas tecnoloxías, de racionalización na xestión da información.

Que ninguén se equivoque: os responsables das bibliotecas escolares non son seres evanescentes perdidos en vanas quimeras que tentan “roubar” horas a materias “importantes” para que o alumnado esmoreza entre mundos de ficción. Nada máis lonxe da realidade.

Nun centro onde hai un equipo que xestiona a biblioteca de forma eficaz nótase. Os fondos adquírense con criterio, establécense acordos para xestionar a información, créanse espazos de colaboración e docencia compartida. Non é doado porque a maquinaria educativa ten unhas inercias difíciles de combater. A pesar de todo, estes docentes fórmanse e exercen a súa dura misión en horas non retribuídas, roubadas ás súas familias, ao descanso, ao lecer.

Fomos coordinados con rigor e seriedade pola Asesoría de Bibliotecas Escolares pero sempre nos faltou o marco legal axeitado. A nosa misión é dura porque queda moito por definir. Na nosa inxenuidade e boa fe esperabamos conseguir progresivamente tempos e formación para seguir mellorando na nosa función se demostrabamos que eramos rigorosos e eficaces.

Os nosos méritos como colectivo son dabondo coñecidos polos nosos gobernantes e acreditados por diferentes administracións e ámbitos a nivel estatal. Os numerosos e constantes premios anuais de boas prácticas concedidos polo Ministerio de Educación y Ciencia non caeron do ceo. Durante todos estes anos a formación recibida foi fundamental para levar a cabo actuacións rigorosas e enfocadas na dirección correcta.

Sabemos das cuantiosas axudas que a Dirección Xeral de Educación, Formación Profesional e Innovación Educativa, destina a outros proxectos, dos incentivos para a elaboración de contidos dixitais por parte das empresas editoriais, entre outras iniciativas.

Non sería tamén interesante fomentar a produción de materiais propios e promover desde cada centro a estandarización de procedementos que axuden a xestionar a información entre o noso alumnado sen confiar todo a eses materiais externos que proceden da industria editorial, por valiosos que poidan ser? Por que non seguir aproveitando a experiencia e valía dos equipos das bibliotecas escolares nestes cometidos?.

O noso empeño sempre foi crear nos centros pequenos focos que tentan estender esas boas prácticas de innovación e excelencia.

Non entendemos este novo e repentino xiro na política de formación desta Dirección Xeral. Non nos parece xusto posto que, podemos dicir honestamente que, pola nosa banda, cumprimos con fartura. Ao desmantelar as estruturas que nos sosteñen o deterioro será proporcional ao entusiasmo e o esforzo investidos: inmenso e imparable.

Algúns lembramos como o noso Conselleiro lanzou un bico ao aire ao despedirse dos asistentes aos últimos encontros despois dunhas entusiastas palabras de eloxio polos éxitos logrados polas bibliotecas escolares galegas a nivel estatal. Onde quedou ese entusiamo? Que interpretación debemos facer? O noso país pode permitirse tirar pola borda todo este traballo? E nós?. En que situación quedaremos agora diante das nosas comunidades educativas se despois de tanta insistencia é a propria Consellería a que nos invisibiliza?.

Este escrito feito polos coordinadores e coordinadoras de bibliotecas do Plan de melloras, ten o apoio da coordinadora da biblioteca escolar, e do claustro de profesores e profesoras do CEIP Quintela de Moaña

Aqui traballamos todos e todas

2011-05-28T18:40:00.002+02:00

Vos preguntaredes que andamos a facer na biblioteca do cole. Aquí trabállase ata o último día. Mirande senón:

A semana pasada andivemos a preparar o festival das Letras Galegas. No noso cole sempre xira arredor do teatro. E moitas das obras son adaptacións de contos.
En sexto escenificaron unha adaptación en dous actos do conto "O principe e os esmoleiro" de Mark Twain. Fixeronno xenial. Non vos perdades as súas anécdotas no blog do terceiro ciclo AQUI, si queredes pasar unhas risas.
En Infantil representaron adaptacións de "A princesa do Caurel" AQUÍ, e "O globo vermello".AQUI
Os nenos e nenas de 2º representaron o conto " Nubiña pascual".
En cuarto curso fixeron unha adaptación de "O espantallo amigo" de X. Neira Vilas.Mirade no blog do segundo ciclo.AQUÍ

O mércores pasado fomos a visitar aos nosos amigos do CEP Brea Segade de Taragoña. Como eles están a traballar o proxecto "A pintura" , nós quixemos axudarlles, e cada curso traballou este mes de maio un pintor galego: Maruxa Mallo, Laxeiro, Rosalía Dans, Castelao,Fixémoslle uns debuxos para levarlles, pero tamén preparamos biografías deles para facer presentacións dixitais.

Si queredes ver as presentacións que lles estamos facendo para agasallalos, mirade no blog

AQUÍ VIVIMOS, que é onde as estamos subindo todas.

Por outra banda, o equipo de apoio de nais traballou os venres na biblioteca fichando todos os libros de préstamo temporal, (préstamos de libros que fan as familias para incrementar a súa colección sen engadir gastos a nosa biblioteca) que son moitos, e xa remataron!!! Están tamén habilitando un recanto de lectura para as familias que esperan o remate das actividades pola tarde.

O vindeiro martes teremos na biblioteca do cole, a partir das catro da tarde, dous "pases" para as familias, dunha montaxe cos vídeos da entrega de premios "Boas prácticas na biblioteca escolar" en Madrid.

Ademais estamos preparando a próxima cita do club de lectura da nais, as guías de lectura para o verán, os préstamos de verán, ... Aquí traballamos todos!.

Conta que che conto: A princesa do Caurel

2011-05-25T20:01:00.002+02:00

O festival das letras galegas tivo este ano tres funcións: Unha para nós, o luns pola mañá, e dúas para as familias, nas tardes do luns e do martes. Un festival de teatro e contos. Todos traballamos moito!!
Velaí os nenos e nenas de 5º de infantil contando o conto "A princesa do Caurel"

Imos de viaxe

2011-05-24T20:29:00.002+02:00

Mañá mércores, os nenos e nenas de 2º, 3º, 4º e 5º de Primaria, imos de viaxe a Taragoña. Volveremos a pasar un día enteiro cos nosos amigos e amigas do CEP Brea Segade.
Estamos desexando ir! Eles levan todo o curso traballando a pintura, dentro do seu proxecto de bibiblioteca. Nós levámoslle de agasallo os traballos sobre os pintores e pintoras galegas que fixemos en cada curso.
Dentro de uns días os recibiremos nós en Moaña.
Ata a volta!

A cebra Camila

2011-05-19T11:33:00.002+02:00

O vídeo

2011-05-18T19:26:00.003+02:00

Educación documental e Letras galegas

2011-05-17T20:09:00.001+02:00

Para os nenos e nenas do 2º e 3ºciclo, tedes AQUI unha ficha para cubrir sobre Lois Pereiro.
Xa sabedes que para cubrilo, tedes toda a información necesaria no blog Dinamiza Normaliza, ou no menú lateral dos blogs de ciclo.

Unha vez cuberto, entregao ao teu titor/a, e recibirás un agasallo.

As nosas fotos

2011-05-17T14:33:00.003+02:00

Crónica da entrega de Premios

2011-05-13T20:19:00.004+02:00

Esta vez encargámoslle a Óscar e Noa, os alumnos que foron a Madrid a crónica do día:

Open publication - Free publishing - More biblioteca

Máis fotos no album do Segrel do Penedo. Clica AQUÍ

En Madrid...

2011-05-13T18:57:00.003+02:00

Ministerio de Educación

Xunta de Galicia
Asesoría de bibliotecas escolares de Galicia

Faro de Vigo
Reportaxe fotográfico de Cristina Novoa

Viaxamos a Madríd

2011-05-09T18:36:00.007+02:00

Mañá mércores 11 de maio vaise celebrar na Biblioteca Nacional, en Madrid a entrega de premios de "Boas prácticas na innovación e dinamización da biblioteca escolar"

O noso colexio estará alí para recibir o seu premio, representado polo director, a coordinadora de biblioteca, e a coordinadora de Normalización.
Nos acompaña ademais Iván Costa Blanco, antiguo alumno do colexio e protagonista da primeira entrada na galipedia realizada polo noso alumnado, ademais de dous nenos da clase de cuarto (Noa e Óscar) que contarán o conto "A cebra Camila" coa técnica do Kamishibai. Veremos tamén un vídeo que mostra as distintas actividades que realizamos na nosa biblioteca escolar.

Recompilación de actividades

2011-05-09T17:19:00.000+02:00

A Coordinadora Galega de ENDL achéganos unha recompilación de actividades para todos os ciclos arredor da figura de Lois Pereiro, poeta homenaxeado este ano no Día das Letras Galegas.
As actividades son autoría dos equipos de Dinamización da Lingua Galega ou de Biblioteca de moitos centros.

Quédavos AQUI o enlace, ademáis do que hai no menú lateral deste blog.

Almas grises

2011-05-08T19:25:00.000+02:00

O libro de Philippe Claudel "Almas grises" foi o que comentamos na xuntanza de abril do club de lectura de nais. Un libro que gustou moito, que deu lugar a interpretacións da historia.
A próxima cita será no mes de maio

Os nosos contos favoritos

2011-05-02T21:25:00.000+02:00

No mes de abril, cada curso foi escollendo e debuxando os seus contos favoritos. Aqui vos deixamos algúns deles.

Os mais "leóns" do cole

2011-05-02T21:22:00.001+02:00

O venres, os nenos e nenas que máis len de cada curso recibiron un diploma do ratiño "Paco". Aqui os tedes!!!

Ademais, a totalidade do alumnado recibiu un agasallo de Paco: unha bolsa-mochila.Mirade que chulas!!

O ratiño Paco tamén le

2011-04-28T21:23:00.001+02:00

Dende que comezou o mes de abril, o ratiño Paco, a nosa mascota, recíbenos na entrada do colexio.

Club de lectura para as familias

2011-04-28T16:08:00.000+02:00

Mañá venres, as 8,30 na biblioteca do cole, teremos nova xuntanza do club de lectura para nais e pais.

O libro: Almas grises, de Philippe Claudel.

Os de Infantil tamén contamos contos

2011-04-27T14:24:00.000+02:00

Os leons e leoas, de 5º de Infantil, contáronlle un conto aos golfiños, de 6º de Infantil: O GLOBO VERMELLO. E fixeronno moi ben!

Club de lectura de sexto

2011-04-27T14:20:00.000+02:00

O club de lectura de sexto reuníuse na biblioteca escolar, para falra sobre "Matilda". Tratase dun libro con grande éxito, que gustou a todos.Os protagonistas teñen a súa opinión no blog do CLUB DE LECTURA DE QUINTELA.

Un libro é...

2011-04-23T19:01:00.004+02:00

Unha illa de luz na xema dos dedos

Unha porta sempre entreaberta

Unha duna cara o vento

Unha nube sobre a herba

Unha casa encantada

Unha laranxa do paraíso

Unha carapucha vermella

Unha bufanda colorada

A fenda do espello

A lúa na boca

A voz e o silencio.

Carlos Negro
Este é parte do texto co que o poeta Carlos Negro agasallou as
bibliotecas escolares de Galicia para celebrar o Día Mundial de Galicia

FELIZ DÍA DO LIBRO!

Debuxamos a Violeta

2011-04-19T16:00:00.002+02:00

Mirade as ilustracións que fixeron os nenos e nenas de 4º de "Violeta non é Violeta" para agasallar a Xosé Neira Cruz:

Open publication - Free publishing - More edu

Cantos libros! Eu quero...todos.

2011-04-19T15:40:00.009+02:00

Por terceiro ano as librerías de Moaña colaboran coa nosa biblioteca escolar, prestando fondos para unha exposición na que os nenos e nenas anotaron os libros que máis lles gustaron.

Iago López para 1º ciclo

2011-04-19T15:23:00.001+02:00

Os nenos e nenas do 1º ciclo disfrutaron cos contos que lles contou Iago López na biblioteca do cole.

Encontros do Plan de Mellora

2011-04-10T11:33:00.002+02:00

O pasado venres asistimos aos Encontros de Plan de Melloras de Bibliotecas Escolares.
Comenzaron coa interesantísima exposición de Teresa Maña e Mónica Baró sobre""Avaliar para avanzar. Prácticas de autoavaliación na biblioteca escolar"

Despois baixo o título de "Literatura en imaxes" houbo sesión simultáneas sobre experiencias con cine ou banda deseñada nas bibliotecas.Nesta sesión poidemos escoitar a experiencia dos compeñeiros/as e "veciños" do IES Monte Carrasco de Cangas.

Pola tarde xuntámonos por zonas, e poidemos constatar que a zona de Vigo é a máis numerosa.

O momento máis emotivo chegou ao final, da man de Xosé Neira Vilas, que fixo unha brillantísima e emotiva exposición sobre literatura e nenos.

Os materiais sobre as distintas exposicións pódense atopar AQUI.Entrade como convidado. Tamén están os vídeos das conferencias.

Si queres saber máis sobre o tema:

BIBLIOTECAS ESCOLARES DE GALICIA

PROGRAMA DOS ENCONTROS

Noutros blogs de bibliotecas:

O Segrel do Penedo

Biblioblogreboreda

Biblioteca de Cespón

O Recanto de Mik
As zocas faladoras

Encontros Plambe

2011-04-07T16:43:00.000+02:00

Mañá venres 8 de Abril terá lugar no Pazo de Congresos de Santiago o Encontro dos centros de ensino integrados no Plan de Mellora de Bibliotecas Escolares de Galicia, do que formamos parte dende o curso 2007/2008.
Será unha xornada de formación e intercambio entre os distintos coordinadores de Galicia.
Pódense seguir as sesións plenarias en directo a través da páxina da Asesoría de bibliotecas escolares de Galicia.

Aprendices de ilustradores e ilustradoras

2011-04-07T16:34:00.001+02:00

Seguindo coas actividades programadas no cole de Quintela para Abril, mes dos libros, os nenos e nenas de 3º ciclo recibiron a Abraham Carreiro, e poideron disfrutar dunha sesión onde aprenderon a facer ilustracións para banda deseñada.

Abraham Carreiro ten publicados entre outros "Os barbanzóns", "Contos que len outros nenos do mundo" e "A fortuna de Bartolomeu". Preme AQUÍ para ver algúns dos seus libros na nosa biblioteca.

Que contacontos tan especiais!

2011-04-06T15:40:00.002+02:00

Os alumnos e alumnas de 1º da ESO do IES A Paralaia estiveron con nós onte. A acertada selección de contos e a escenificación garantiron a atención dos pequenos do cole
Esta actividade é posible grazas a colaboración dos equipos de Normalización de ambos centros:

En abril recibimos carta do ratiño Paco

2011-04-06T09:25:00.002+02:00

Os nenos e nenas do cole recibiron hoxe carta do Ratiño Paco:

QUERIDOS AMIGOS E AMIGAS DE QUINTELA:

A MIN GUSTARÍAME SABER CAL É O VOSO PERSONAXE DE CONTOS FAVORITO,

PODEDES ENSINARMO?
ESPERO OS VOSOS DEBUXOS!

En abril as familias colaboran

2011-04-04T20:25:00.002+02:00

Queridas familias:

Como en anos anteriores, pedimos a vosa colaboración para desenvolver o amor á lectura nos vosos nenos e nenas. Gustaríanos que cubrisedes esta ficha coa resposta a pregunta que vos formulamos. Non esquezades poñer o voso nome!:

DOS LIBROS QUE LICHES, CAL É O TEU PERSONAXE FAVORITO? EXPLICA UN POUCO A TÚA ELECCIÓN.

Neira Cruz, Violeta e Rosa

2011-04-01T16:40:00.002+02:00

Pillada lendo en Outubro do 2010

Unha das limpadoras do cole de Quintela chámase Rosa.

A Rosa gústalle ler.

Cando pasa polo expositor de novidades, sempre se apoia nel, e le.

A semana pasada estaba no expositor "Violeta non é Violeta" e leuno.
E gustoulle moito.

Cando soubo que nos ía visitar o autor, Xosé A. Neira Cruz, quixo que lle pediramos unha adicatoria do autor.

Nós pedímoslla, pero a el alegroulle tanto saber que a Rosa lle gustara o seu libro, que onte pola tarde apareceu de sorpresa no
cole de Quintela.
Quería coñecela, e trouxolle un libro de agasallo.

Foi moi bonito e emotivo.

Rosa e X.A. Neira Cruz na biblioteca do cole.

Abril é unha festa

2011-03-31T21:07:00.000+02:00

Xa temos a programación do mes de abril para o noso cole. Si queres descargala, clica AQUI
Mañá empezaremos recibindo a visita de Iago López, para os pequenos de 1º Ciclo e 6º de Infantil.
Empezaremos tamén coa exposición de libros, contos e traballos documentais feitos polo alumnado nos dous últimos cursos.

Xa vos irei contando!

Recibimos a....

2011-03-28T16:52:00.002+02:00

O venres os nenos e nenas de 4º, 5º e 6º de Primaria recibiu na biblioteca escolar ao autor do libro "Violeta non é Violeta", o escritor X.A. Neira Cruz.
O autor gustóulles moito ao alumnado, que fixo moitas preguntas..

Día da Poesía en Educación Infantil

2011-03-28T15:49:00.001+02:00

Así debuxaron os pequenos de Infantil o fermoso poema de Antón García Teijeiro

Abril, mes do libro

2011-03-26T20:49:00.001+01:00

Acércase o mes de abril, e o equipo de biblioteca do cole está "ultimando" a programación.

Teremos varios contacontos para os pequenos (Infantil e 1º ciclo), escritores para os medianos (2º ciclo) e

ilustradores para os maiores (3º ciclo)

Tamén contaremos coa colaboración ás familias para contarnos cousas relacionadas coa lectura, repartir diplomas aos mais lectores do cole, facer exposicións cos nosos contos, xuntanzas dos clubs de lecturas do cole,...Xa vos iremos contando.
Abril é unha festa!

Os alumnos/as maiores ensinan formación de usuarios aos pequenos.

2011-03-23T19:25:00.002+01:00

Os nenos e nenas de 4º curso, algúns deles axudantes de biblioteca, estiveron hoxe co alumnado de 2º de Primaria, para darlles unha lección práctica de formación de usuarios. Traballaron con eles en grupos pequenos. Despois da súa explicación, puxéronlles tarea: gardar libros de diferentes temas, no sitio correcto:

Os próximos días seguirán cos cursos máis pequenos.

Exposición da auga

2011-03-23T18:56:00.001+01:00

Poesía e primavera

2011-03-21T16:51:00.002+01:00

Hoxe, para celebrar o día da poesía, todos e todas, alumnado, profesorado, traballadoras do colexio, levamos un doble agasallo: un poema e un caravel.
Foi moi fermoso ver aos nenos e nenas co seu poema e a súa flor.

21 de marzo , día da poesía

2011-03-21T01:28:00.001+01:00

Aquí deixamos a selección de poemas que viaxarán as familias nesta xornada. Un poema por ciclo ...e algo máis. Comeza a primavera, así que ...un poema e unha sorpresa!

Open publication - Free publishing - More news

Día da Poesía en Quintela

2011-03-18T20:14:00.001+01:00

O 21 de marzo, ao mesmo tempo que empeza a primavera,é o Día da poesía.
Nas clases traballamos estes días recitando, memorizando e decorando os nosos poemas favoritos.
O luns todos os nenos e nenas do cole de Quintela van levan un poema para ler en familia...e un agasallo.
Podedes ler unha selección dos poemas que mais nos gustan no noso blog poemas para peques.

Máis sobre poesía:
Obradoiro de poesía de Quintela
Como ler poesía aos nenos e nenas

A investigar!, Usando google maps

2011-03-15T21:18:00.000+01:00

A investigar

View more presentations or Upload your own.

A televisión por internet

2011-03-14T23:51:00.002+01:00

Lingua galega tv, a canle de televisión por internet, subvencionada pola Secretaría Xeral de Política Lingüística ven de publicar o vídeo filmado no noso centro sobre o Proxecto de Innovación en Normalización Lingüística, agora de Dinamización .

Entra AQUI. Para acceder, hai que seleccionar do primeiro grupo de vídeos "Lingua, cámara, acción", clicando na pestana branca, o titulado "Premios de Innovación en Dinamización Lingüística.

Poderemos ver tamén unha reportaxe sobre o proxecto do IES de Rodeira , en Cangas, que tamén resultou premiado.

Que andamos a facer na nosa biblioteca?

2011-03-14T20:24:00.001+01:00

Imos contarvos:

Na última semana de febreiro houbo xuntanzas dos clubs de lectura do cole. Lembrade: hai un de 5º curso, outro de 6º e otro para as familias. Agora están coas novas lecturas. As próximas xuntanzas serán en Abril.
A semana pasada celebramos o Entroido no cole. Este ano fomos de curruvellos. E eso, que é? Pois para sabelo, todos os nenos e nenas de 3º, 4º e 5º tiveron que facer unhas entrevistas ás súas familias, e pedirlles fotos. Os de 2º ciclo fixeron coas respostas un texto conxunto.Os de 5º curso escribiron uns textos moi chulos.
E os de 6º curso? Eles traballaron moito, tiveron que investigar o entroido en todo o Morrazo.
Esta semana empezaremos a visitar a EXPOSICIÓN DA AUGA. E onde está esa exposición? Nos corredores do noso cole. E quen a fixo? Todos nós, casa curso fixo unha parte. E porqué? Pois porque llo pedín eu.Traballaron moito, moitísimo. Mesmo tiveron que facer saídas para ver cousas.
Ademais, o venres imos recibir ao escritor Xosé A. Neira Cruz. Os nenos e nenas de 4º, 5º e 6º viñen de ler o seu libro "Violeta non é Violeta" e están desexando preguntarlle cousas de Mo.
E a vindeira semana,...a poesía.

Día da muller traballadora

2011-03-09T20:24:00.000+01:00

O Día 8 de Marzo celébrase o Día Internacional da muller traballadora

8 de Marzo

View more presentations or Upload your own.

Xa temos premiados

2011-03-03T20:09:00.001+01:00

Xa temos as cartas gañadoras do II Concurso de cartas de amor. A elección foi sumamente difícil. O equipo de biblioteca disfrutou coa súa lectura, e decidiu premiar 7 cartas dos alumnos e unha de pais. Hai cartas aos irmás, aos país, aos avós, aos amigos,ao amor..todas moi fermosas.
Si queredes lelas entrade no club de escritura.

"La joven de la perla" no club de lectura

2011-02-26T10:32:00.001+01:00

Onte celebrouse na biblioteca escolar unha nova xuntanza do club de lectura de pais e nais.
Foi coma sempre, unha agradable xuntanza onde falouse de libros, de pintura, de relixión,de historia,...
O libro que viñamos de ler, " La joven de la perla" de Tracy Chevalier resultou moi interesante.
Temos unha nova cita o venres 8 de abril. Esta vez cambiamos de tema totalmente. O libro:
"Almas grises " de Philippe Claudel. Podedes recoller o libro na biblioteca do cole, ou na biblioteca municipal de Moaña.
Estades todos e todas invitados a incorporarvos ao club.

A cebra Camila gustóunos moito

2011-02-25T11:07:00.010+01:00

Os nenos e nenas de 4º curso contáronlle na biblioteca o conto da Cebra Camila aos nenas e nenas de 1º.
Gustóulles moito, e decidiron facerlles moiiiiiiitas cebras Camila de agasallo, para que veñan contarlles máis contos:

Xuntámonos?

2011-02-24T23:50:00.009+01:00

Mañá no recreo haberá xuntanza do club de lectura de sexto, "Amigos de aventuras". O libro que veñen de ler é
"Konrad, el niño que salió de una lata de conservas" de Christine Nöstlinger,

Por outra banda, as 8 da noite, na biblioteca do cole, xuntaráse tamén o club de lectura de nais e pais, para comentar o libro "La joven de la perla" de Tracy Chevalier.

Queredes saber porqué....

2011-02-20T23:56:00.000+01:00

os de 4º decidiron aprender cousas sobre os tiburóns?
Todo empezou un dia ...

Proxecto tiburóns

View more presentations or Upload your own.

Xuntámonos na biblio?

2011-02-16T15:32:00.003+01:00

Maña xoves, o club de lectura de 5º curso (os comilóns de libros) vai celebrar unha nova xuntanza.Vai ser na biblioteca, durante a hora do recreo
Esta vez o libro que veñen de ler é "Os megatoxos e o aprendiz de druida"
Podedes facer o seguimento dos clubs no blog do club de lectura.

Porque o vento bandido...

2011-02-10T19:07:00.006+01:00

Os nenos e nenas de 4º seguen contando contos aos máis pequenos. Esta vez tocoulle aos de 3 anos, que estiveron mooooi atentos!!

Que ben, un agasallo!!!

2011-02-10T17:32:00.000+01:00

Onte unha das profesoras do equipo de biblioteca, repartiu os agasallos para os nenos e nenas que cubriron o cuestionario da Paz.

Houbo cadernos de debuxo, libretas de cores e bolígrafos para todos os que participaron.

O participante máis novo foi Pablo, de 1º. As profesoras do equipo de biblioteca gustounos moito o seu debuxo da pomba da Paz, e a súa fermosa letra, grande e redonda.

Parabens para todos e todas os que participastes!!!

Concurso cartas de amor

2011-02-08T20:30:00.008+01:00

A biblioteca do cole convoca de novo o concurso de cartas de amor.

Este ano hai tamén unha convocatoria para os pais e nais que queiran participar.

Para o alumnado, haberá un premio para as mellores cartas.O xurado está formado polo equipo de biblioteca escolar. Lembrade as condicións:
Pode ser unha carta de amor dedicada á vosa familia, á vosa mascota, ao cole, a un amigo/a, a un irmá,...
Lembrade facer primeiro un borrador. A presentación tamén importa.
Cando a teñades lista, entregádea na biblioteca escolar antes do 15 de febreiro.

AQUI tes o formato para facer a carta,
e AQUI algúns consellos para escribila, que nos chegan dende a biblioteca do Ceip Milladoiro de Malpica
Esperamos con impaciencia as vosas cartas!!!!
AQUI tedes o enlace as cartas gañadoras o curso pasado.

Calendario

2011-02-04T17:04:00.001+01:00

Aquí temos a presentación dixital do calendario que elaboramos no primeiro trimestre.
Recollemos en cada mes unha parte significativa de Moaña, o centro de atención do proxecto deste ano. Todos os cursos prepararon as ilustracións dos meses, e a montaxe final prepararonna os alumnos de 6º curso.

Open publication - Free publishing - More colxio

Novas publicacións de edicións Quintela

2011-02-02T23:51:00.001+01:00

Temos novas publicacións de Edicións Quintela, a "editorial" do noso cole.

"Os tiburóns" da colección Saber, feito polo alumnado do 4º curso.Inclúe CD con presentacións dixitais feitas polos nenos e nenas de 4º.

"As nosas mascotas" feito polo alumnado do 3º curso.
Inclúe CD con video coas ilustracións
e voces dos nenos e nenas de 3º.

Os artistas do Kamishibai

2011-02-02T21:10:00.004+01:00

Os nenos e nenas de 4º curso ilustraron o conto da "Cebra Camila", e prepararon as ilustracions para poder contar o conto co Kamishibai. Por diante ían os debuxos, e por detrás os textos.

Logo prepararonse ben, e hoxe tres deles contáronlle o conto aos nenos e nenas de 1º, que estiveron moi atentos.

Competencia dixital: O noso cole en 3D

2011-02-01T15:35:00.002+01:00

Este é un traballo realizado por Anxo Rúa, alumno de 6º curso. Trátase do noso colexio, en 3D.

As mascotas

2011-01-28T23:25:00.001+01:00

Aquí deixamos un vídeo sobre as mascotas que teñen os de terceiro de Primaria. Escoitade, xa veredes que cousas máis curiosas fan:

Contos de paz desde Vide

2011-01-23T21:52:00.007+01:00

Desde Vide eses amigos que temos en As Neves, vía Sarmenteiros chéganos esta recompilación de contos de paz. Moitos deles poderedes atopalos na exposición que preparamos entre todos e todas na entrada do cole:

Día da Paz

2011-01-20T15:52:00.008+01:00

A ONU declarou no ano 1964 o 30 de Xaneiro como Día da Paz.

Estos días iremos desenvolvendo algunhas actividades no colexio relacionadas con ese dia:

Exposición de libros relacionados co tema, que seleccionará o alumnado.respostar a un cuestionario relacionado coa Paz, etc.

Para resolver o cuestionario, podedes clicar no menú lateral, en "Busca por temas" en "Paz".Non esquezades buscar tamén na biblioteca escolar.

Para ir entrando en materia, podedes acceder a través da imaxe, a unha páxina de xogos para os peques do cole.

Para construir a Paz. Para os maiores do cole:

E por último, para xogar coa familia:

Club de lectura de nais e pais

2011-01-19T20:11:00.004+01:00

Mañá xoves, as 8 da tarde, teremos outra xuntanza no colexio do club de lectura para nais e pais.
O coordinador do club é o bibliotecario municipal, e o libro que rematamos de ler é "Mi tio Napoleón" de Jaj Pezeshkjad.

O alumnado de 3º e os animais protexidos

2011-01-11T20:26:00.004+01:00

Os nenos e nenas de 3º estiveron aprendendo cousas sobre animais protexidos. Logo fixeron unhas presentacións dixitais. Era a primeira vez que as facían, e fixéronno moi ben. Mirade a de María e Diego:

Pita do monte

View more presentations or Upload your own.

O resto das presentacións están no blog de Segundo ciclo en Quintela