O ratiño Paco tamén le

 

Dende que comezou o mes de abril, o ratiño Paco, a nosa mascota, recíbenos na entrada do colexio.

Club de lectura para as familias

Mañá venres, as 8,30 na biblioteca do cole, teremos nova xuntanza do club de lectura para nais e pais.

O libro: Almas grises, de Philippe Claudel. 

Os de Infantil tamén contamos contos

Os leons e leoas, de 5º de Infantil, contáronlle un conto aos golfiños, de 6º de Infantil: O GLOBO VERMELLO. E fixeronno moi ben!

Club de lectura de sexto

O club de lectura de sexto reuníuse na biblioteca escolar, para falra sobre "Matilda". Tratase dun libro con grande éxito, que gustou a todos.Os protagonistas teñen a súa opinión no blog do CLUB DE LECTURA DE QUINTELA.

Un libro é...

Unha illa de luz na xema dos dedos

Unha porta sempre entreaberta

Unha duna cara o vento

Unha nube sobre a herba

Unha casa encantada

Unha laranxa do paraíso

Unha carapucha vermella

Unha bufanda colorada

A fenda do espello

A lúa na boca

A voz e o silencio.

                                             Carlos Negro
Este é parte do texto co que o poeta Carlos Negro agasallou as 
bibliotecas escolares de Galicia para celebrar o Día Mundial de Galicia

FELIZ DÍA DO LIBRO!

Debuxamos a Violeta

Mirade as ilustracións que fixeron os nenos e nenas de 4º de "Violeta non é Violeta" para agasallar a Xosé Neira Cruz:

Open publication - Free publishing - More edu

Cantos libros! Eu quero...todos.

Por terceiro ano as librerías de Moaña colaboran coa nosa biblioteca escolar, prestando fondos para unha exposición na que os nenos e nenas anotaron os libros que máis lles gustaron.

Iago López para 1º ciclo

Os nenos e nenas do 1º ciclo disfrutaron cos contos que lles contou Iago López na biblioteca do cole.

Encontros do Plan de Mellora

O pasado venres asistimos aos Encontros de Plan de Melloras de Bibliotecas Escolares.
Comenzaron coa interesantísima exposición de Teresa Maña e Mónica Baró sobre""Avaliar para avanzar. Prácticas de autoavaliación na biblioteca escolar"

Despois baixo o título de "Literatura en imaxes" houbo sesión simultáneas sobre experiencias con cine ou banda deseñada nas bibliotecas.Nesta sesión poidemos escoitar a experiencia dos compeñeiros/as e "veciños" do IES Monte Carrasco de Cangas.

Pola tarde xuntámonos por zonas, e poidemos constatar que a zona de Vigo é a máis numerosa.

O momento máis emotivo chegou ao final, da man de Xosé Neira Vilas, que fixo unha brillantísima e emotiva exposición sobre literatura e nenos.

Os materiais sobre as distintas exposicións pódense atopar AQUI.Entrade como convidado. Tamén están os vídeos das conferencias. 

Si queres saber máis sobre o tema:

BIBLIOTECAS ESCOLARES DE GALICIA

PROGRAMA DOS ENCONTROS

Noutros blogs de bibliotecas:

O Segrel do Penedo

Biblioblogreboreda

Biblioteca de Cespón

 O Recanto de Mik
As zocas faladoras

Encontros Plambe

Mañá venres 8 de Abril terá lugar no Pazo de Congresos de Santiago o Encontro dos centros de ensino integrados no Plan de Mellora de Bibliotecas Escolares de Galicia, do que formamos parte dende o curso 2007/2008.
Será unha xornada de formación e intercambio entre os distintos coordinadores de Galicia.
Pódense seguir as sesións plenarias en directo a través da páxina da Asesoría de bibliotecas escolares de Galicia.

Aprendices de ilustradores e ilustradoras

Seguindo coas actividades programadas no cole de Quintela para  Abril, mes dos libros, os nenos e nenas de 3º ciclo recibiron a Abraham Carreiro, e poideron disfrutar dunha sesión onde aprenderon a facer ilustracións para banda deseñada.

Abraham Carreiro ten publicados entre outros "Os barbanzóns", "Contos que len outros nenos do mundo" e "A fortuna de Bartolomeu". Preme AQUÍ para ver algúns dos seus libros na nosa biblioteca.

Que contacontos tan especiais!

Os alumnos e alumnas de 1º da ESO do IES A Paralaia  estiveron con nós onte. A acertada selección de contos e a escenificación garantiron a atención dos pequenos do cole
Esta actividade é posible grazas a colaboración dos equipos de Normalización de ambos centros:

En abril recibimos carta do ratiño Paco

Os nenos e nenas do cole recibiron hoxe carta do Ratiño Paco:

QUERIDOS AMIGOS E AMIGAS DE QUINTELA:

A MIN GUSTARÍAME SABER CAL É O VOSO PERSONAXE DE CONTOS FAVORITO,

PODEDES ENSINARMO?
ESPERO OS VOSOS DEBUXOS!

En abril as familias colaboran

     Queridas familias:

Como en anos anteriores, pedimos a vosa colaboración para desenvolver o amor á lectura nos vosos nenos e nenas. Gustaríanos que cubrisedes esta ficha coa resposta a pregunta que vos formulamos. Non esquezades poñer o voso nome!:

DOS LIBROS QUE LICHES, CAL É O TEU PERSONAXE FAVORITO? EXPLICA UN POUCO A TÚA ELECCIÓN.

Neira Cruz, Violeta e Rosa

Pillada lendo en Outubro do 2010

Unha das limpadoras do cole de Quintela chámase Rosa.

A Rosa gústalle ler.

Cando pasa polo expositor de novidades, sempre se apoia nel, e le.

A semana pasada estaba no expositor "Violeta non é Violeta" e leuno.
E gustoulle moito.

Cando soubo que nos ía visitar o autor, Xosé A. Neira Cruz, quixo que lle pediramos unha adicatoria do autor.

Nós pedímoslla, pero a el alegroulle tanto saber que a Rosa lle gustara o seu libro, que onte pola tarde apareceu de sorpresa no
cole de Quintela.
Quería coñecela, e  trouxolle un libro de agasallo.

Foi moi bonito e emotivo.

Rosa e X.A. Neira Cruz na biblioteca do cole.